کپاس کا ریٹ انتہائی کم پندرہ ہزار روپے فی من مقرر کیا جائے عارف عزیز شیخ

تحصیل احمد پور شرقیہ میں 75 فیصد کاشتکاروں نے کپاس کاشت کرنا ہی چھوڑ دی 95 فیصد کاٹن فیکٹریاں بند ہو چکی ہیں ۔

 چنی گوٹھ (نامہ نگار) سابق ایم این اے و ترقی پسند کاشتکار عارف عزیز شیخ نے کہا ہے کہ ناقص حکومتی پالیسی کے باعث کپاس کا ریٹ انتہائی کم کاشتکاروں کے فی ایکڑ زمین کی تیاری بیجائ اور چنائی تک تقریباً ایک لاکھ روپے سے زیادہ کا خرچہ ہوتا ہے جس سے کسان قرضوں کے بوجھ تلے دب گیا ہے ، کپاس کا ریٹ پندرہ ہزار روپے فی من کرنے کا مطالبہ ۔

عارف عزیز شیخ نے کہا کہ حکومت کی ناقص پالیسیوں کے باعث کاشتکار معاشی تباہی کے دہانے پر پہنچ چکے ہیں ۔ انہوں نے کہا کہ کپاس کی فصل کے فی ایکڑ اخراجات ایک لاکھ روپے کے لگ بھگ ہیں آمدن سے اخراجات پورے کرنا ناممکن ہو چکا ہے ، کسان قرضوں کے بوجھ تلے دب چکے ہیں ، حکومت کھاد ، سپرے وغیرہ پر سبسڈی دے کر ان کو ریلیف فراہم کرے ، انہوں نے کہا کہ تحصیل احمد پور شرقیہ میں اب تو 75 فیصد کاشتکاروں نے کپاس کاشت کرنا ہی چھوڑ دی ہے جس سے 95 فیصد کاٹن فیکٹریاں بند ہو چکی ہیں ۔ انہوں نے کہا کہ گندم کی انتہائی کم قیمت مقرر ہونے کے باعث کاشتکاروں کو شدید مالی نقصان کا سامنا کرنا پڑا ہے