حکومت کے معیشت کی بہتری کے دعوؤں کے برعکس مہنگائی اور بیروزگاری میں مسلسل اضافہ ہے عارف عزیز شیخ

کسان دشمن پالیسیوں کی وجہ سے زراعت کا شعبہ بری طرح متاثر ہو چکا ہے حکومت کو چاہئے کہ کسانوں کے لئے بھر پور ریلیف دے سابق ایم این اے

چنی گوٹھ (نامہ نگار) سابق ایم این اے عارف عزیز شیخ نے کہا ہے کہ عوام کے حالات بہتر کرنے کی اشد ضرورت ہے ، حکومت کے ملکی ترقی و خوشحالی اور معیشت کی بہتری کے دعوؤں کے برعکس مہنگائی اور بیروزگاری میں مسلسل اضافہ ہے ، جس کے نتیجے میں آج ہر آدمی بجلی و گیس کے بھاری بھرکم بلوں ، اشیاء ضروریہ کی قیمتوں میں ہونے والے ہوشربا اضافے اور مالی مشکلات کے باعث اپنی قوت خرید میں کمی ہونے کی وجہ سے شدید پریشان ہے ۔ ان خیالات کا اظہار انہوں نے عمائدین علاقہ سے گفتگو کرتے ہوئے کیا ۔ انہوں نے کہا کہ کسان دشمن پالیسیوں کی وجہ سے زراعت کا شعبہ بری طرح متاثر ہو چکا ہے حکومت کو چاہئے کہ کسانوں کے لئے بھر پور ریلیف دے ، انہوں نے کہا کہ آئندہ گندم کی خریداری کے لئے واضح پالیسی ترتیب دی جائے جس سے کسان کو بھی فائدہ ملے اور عام عوام بھی اس سے مستفید ہو سکے