ملکی مسائل دھرنوں یا لاٹھیوں کی بجائے مذاکرات سے حاصل ہوں گے, 29دسمبر کو اسلام آباد میں غزہ مارچ ہوگا سراج الحق

دو خاندانوں کی ملکیت ، باہر کے ملکوں میں کھربوں سے زیادہ ہے۔ اُن کے بینک بیلنس میں رو ز بروز اضافہ ہورہاے جبکہ عوام میں غربت بڑھ رہی ہے

سند ھ طاس معاہدے کے تحت بہا ول پو رکو تین لاکھ پچاس ہزار کیوسک پانی ملتاتھا۔ جبکہ آج اسی ہزار کیوسک بھی نہں مل رہا ۔

پاکستان کے مسائل کا واحد حل اسلامی نظام کے نفاذ میں ہے شہبازشریف احمدپورشرقیہ کو ضلع کا درجہ دینے کا وعدہ پورا کریں سابق امیر جماعت اسلامی کی پریس کانفرنس

احمدپورشرقیہ ( نامہ نگار ) سابق امیر جماعت اسلامی سراج الحق نے کہا ہے کہ ملکی مسائل دھرنوں یا لاٹھیوں کی بجائے مذاکرات سے حاصل ہوں گے۔ 29دسمبر کو اسلام آباد میں غزہ مارچ ہوگا۔ پریس کلب احمدپورشرقیہ میں صحافیوں سے گفتگو کرتے ہوئے انہوں نے کہا دو خاندانوں کی  ملکیت ، باہر کے ملکوں میں کھربوں سے زیادہ ہے۔ اُن کے بینک بیلنس میں رو ز بروز اضافہ ہورہاے جبکہ عوام میں غربت بڑھ رہی ہے۔ انہوں نے کہا حکمرانوں کے بچے باہر پڑھتے ہیں۔ اور و ہ علاج کے لئے بھی ملک سے باہر جاتے ہیں۔ مگر انہیں عوام کے مسائل حل کرنے میں کوئی دلچسپی نہیں ہے۔ انہوں نے حکومت اور پی ٹی آئی میں مذاکرات  کو خوش آئند قراردیا۔

انہوں نے کہا پاکستان کے مسائل کا واحد حل اسلامی نظام کے نفاذ میں  ہی ہے۔ جبکہ ملک سے سودی نظام کا خاتمہ لازمی ہے۔ انہوں نے کہا سند ھ طاس  معاہدے کے تحت بہا ول پو رکو تین لاکھ پچاس ہزار کیوسک پانی ملتاتھا۔ جبکہ آج اسی ہزار کیوسک بھی نہں مل رہا ۔ انہوں نے کہا شہبازشریف نے احمدپورشرقیہ کو ضلع کا درجہ دینے کا جو وعدہ کیا تھا اسے فی الفور پور اکرنے کے لئے پنجاب کی سب سے بڑی اور پسماندہ تحصیل کو ضلع کا در جہ دلانے کا اعلان کریں۔ اس مو قع پر صدر بار دیوان عبدالرشید بخاری ایڈووکیٹ، کسان بورڈ پاکستان کے صدر جام حضوربخش لاڑ ، جنر ل سیکرٹری بار ایسو سی ایشن چوہدری فاروق عزیز بھی موجو د تھے۔