سابق ڈائریکٹر ایف آئی اے اور ڈیجیٹل پاکستان کے بانی عمار جعفری کا اپنی ٹیم کے ہمراہ اسلامیہ یونیورسٹی کا دورہ

سابق ڈائریکٹر ایف آئی اے اور ڈیجیٹل پاکستان کے بانی عمار جعفری نے اپنی ٹیم کے ہمراہ اسلامیہ یونیورسٹی بہاولپور کا دورہ کیا اور فیکلٹی آف کمپیوٹنگ کے فیکلٹی ممبران اور ڈائریکٹوریٹ آف انفارمیشن ٹیکنالوجی کے افسران کے ساتھ انٹرایکٹو سیشن کا انعقاد کیا۔ڈائریکٹر آئی ٹی رضوان مجید نے اسلامیہ یونیورسٹی بہاولپور میں آئی ٹی انفراسٹرکچر اور آٹومیشن میں اقدامات اور ترقی کے بارے میں بتایا۔اس موقع پر اسلامیہ یونیورسٹی بہاولپور میں وائس چانسلرانجینئرپروفیسرڈاکٹر اطہر محبوب کی ذاتی دلچسپی اور کاوشوں کی بدولت یونیورسٹی میں ہونے والے ترقیاتی کاموں اورنئے قائم ہونے والے شعبہ جات اور فیکلٹی آف کمپیوٹنگ کے بارے میں بریفنگ دی گئی۔اس سیشن میں ڈاکٹر دوست محمد چیئرمین شعبہ آئی ٹی، ڈاکٹر فہیم مشتاق چیئرمین شعبہ آرٹیفیشل انٹیلی جنس، ڈاکٹر اکمل خان چیئرمین شعبہ ڈیٹا سائنسز، ڈاکٹر وقار اسلم چیئرمین شعبہ انفارمیشن سیکورٹی اور ڈاکٹر رفاقت حسین کاظمی چیئرمین شعبہ سافٹ ویئر انجینئرنگ نے شرکت کی۔ عمار جعفری نے انجینئر پروفیسر ڈاکٹر اطہر محبوب، وائس چانسلر اسلامیہ یونیورسٹی بہاولپورکی طرف سے کی جانے والی کوششوں اور اقدامات کو سراہا۔