وزیر اعلی عثمان بزدار کا راولپنڈی میں پولیس موبائل پر فائرنگ کے واقعہ کا نوٹس
وزیر اعلی عثمان بزدار کا راولپنڈی کے علاقے سی ڈی اے چوک کے قریب پولیس موبائل پر فائرنگ کے واقعہ کا نوٹس، ملزمان کی جلد گرفتاری کا حکم
شہید کانسٹیبل خرم کو خراج عقیدت، لواحقین سے دلی ہمدردی و اظہارتعزیت، زخمی پولیس اہلکاروں کو علاج معالجے کی بہترین سہولتیں فراہم کرنے کی ہدایت
لاہور 14 دسمبر:-وزیر اعلی پنجاب سردار عثمان بزدار نے راولپنڈی کے علاقے سی ڈی اے چوک کے قریب پولیس موبائل پر فائرنگ کے واقعہ کا نوٹس لیتے ہوئے انسپکٹر جنرل پولیس سے رپورٹ طلب کرلی ہے-وزیراعلیٰ عثمان بزدار نے فائرنگ کرنے والے ملزمان کی جلد گرفتاری کا حکم دیا ہے اور کہاہے کہ ملزمان کو قانون کی گرفت میں لا کر مزید کارروائی عمل میں لائی جائے-وزیراعلیٰ عثمان بزدار نے فائرنگ سے شہید کانسٹیبل خرم کو خراج عقیدت پیش کرتے ہوئے لواحقین سے دلی ہمدردی و تعزیت کااظہار کیاہے-انہوں نے کہاکہ کانسٹیبل خرم نے فرض کی ادائیگی میں شہادت کا بلندرتبہ پایا۔وزیراعلیٰ نے ہدایت کی کہ زخمی پولیس اہلکاروں کو علاج معالجے کی بہترین سہولتیں فراہم کی جائیں۔