اسپیئر پارٹس کی دوکان میں آگ لگنے سے لاکھوں روپے مالیت کا سامان جل کر راکھ

احمدپورشرقیہ ( نامہ نگار) اسپیئر پارٹس کی دوکان میں آگ لگنے سے لاکھوں روپے مالیت کا سامان جل کر راکھ ہوگیا ۔ تفصیل کے مطابق گزشتہ شب بائی پاس احمدپورشرقیہ پر وا قع اسپیئر پارٹس کی دوکان میں آگ بھڑک اُٹھی۔ جس نے دیکھتے ہی دیکھتے ساتھ والی دوکان کوبھی      اپنی لپیٹ میں لے لیا۔ اطلا ع ملنے پر ریسکیو ٹیم مو قع پر پہنچ گئی اور دو گھنٹے  کی جد وجہد کے بعد آگ  پر قابو پالیا۔ اس دوران لاکھوں روپے مالیت کاسامان جل کر راکھ ہوگیا۔