مرکزی میلاد مصطفی کمیٹی کے زیر اہتمام تقریب میں مدیر احسان احمد سحر کی اہلیہ سیدہ نجمہ بخاری مرحومہ کے لیے فاتحہ خوانی
میزبان مولانا عبدالعزیز فیضی کی استدعا پر تحصیل صدر جماعت اہل سنت مفتی محمد محسن فیضی نے سیدہ نجمہ بخاری مرحومہ کے لیے خصوصی دعا کروائی
مدیر روزنامہ نوائے احمد پور شرقیہ احسان احمد سحر کی جانب سے مولانا عبدالعزیز فیضی اور مفتی محمد محسن فیضی سے اہلیہ سیدہ نجمہ بخاری مرحومہ کے لیے خصوصی دعا کرانے پر اظہار تشکر
احمد پور شرقیہ( سٹاف رپورٹر )مرکزی میلاد مصطفی کمیٹی کے زیر اہتمام 45ویں سالانہ محفل نعت بسلسلہ جشن عید میلاد النبی صلی اللہ علیہ وسلم کے مبارک و مسعود موقع پر مدیر روزنامہ نوائے احمد پور شرقیہ احسان احمد سحر کی اہلیہ سیدہ نجمہ بخاری مرحومہ کے درجات کی بلندی کے لیے خصوصی دعا کی گئی- تقریب میں تلاوت کلام پاک کے بعد میزبان مولانا عبدالعزیز فیضی نے تحصیل صدر جماعت اہل سنت مفتی محمد محسن فیضی سے سیدہ نجمہ بخاری مرحومہ کے لیے دعائے مغفرت کرانے کی استدعا کی جس پر انہوں نے گورنمنٹ گرلز ہائی سکول احمد پور شرقیہ کی سابق ہیڈ مسٹریس کے ایصال ثواب کے لیے دعا کرائی- ادھر مدیر روزنامہ نوائے احمد پور شرقیہ احسان احمد سحر نے مرکزی میلاد مصطفی کمیٹی کے سرپرست مولانا عبدالعزیز فیضی اور تحصیل صدر جماعت اہل سنت مفتی محمد محسن فیضی سے ان کی اہلیہ مرحومہ کے لئے خصوصی دعا کرانے پر اظہار تشکر کیا ہے