حکومت کے معیشت کی بہتری کے دعوؤں کے برعکس مہنگائی اور بیروزگاری میں مسلسل اضافہ ہے عارف عزیز شیخ

عوام کے حالات بہتر کرنے کی اشد ضرورت ہے غریب آدمی دو وقت کی روٹی کا ترس گیا ہے سابق ایم این اے کی زمیندار محمد اعظم بھٹی ، خورشید بھٹی اور مہر بشیر احمد سے گفتگو

چنی گوٹھ (نامہ نگار) سابق ایم این اے عارف عزیز شیخ نے کہا ہے کہ عوام کے حالات بہتر کرنے کی اشد ضرورت ہے ، حکومت کے ملکی ترقی و خوشحالی اور معیشت کی بہتری کے دعوؤں کے برعکس مہنگائی اور بیروزگاری میں مسلسل اضافہ ہے ، جس کے نتیجے میں آج ہر آدمی بجلی و گیس کے بھاری بھرکم بلوں ، اشیاء ضروریہ کی قیمتوں میں ہونے والے ہوشربا اضافے اور مالی مشکلات کے باعث اپنی قوت خرید میں کمی ہونے کی وجہ سے شدید پریشان ہے ۔ ان خیالات کا اظہار انہوں نے موضع مڈ رشید کے زمیندار محمد اعظم بھٹی ، خورشید بھٹی اور مہر بشیر احمد سے گفتگو کرتے ہوئے کیا

انہوں نے کہا کہ کسان دشمن پالیسیوں کی وجہ سے زراعت کا شعبہ بری طرح متاثر ہو چکا ہے حکومت کو چاہئے کہ کسانوں کو بھر پور ریلیف دے ، انہوں نے کہا کہ بجٹ میں بھی عوام خاطر خواہ ریلیف فراہم نہیں کیا گیا ، پیٹرولیم مصنوعات کی قیمتوں میں ہوشربا اضافے سے مہنگائی کا نیا طوفان اُمڈ آیا ہے ، غریب آدمی دو وقت کی روٹی کا ترس گیا ہے ، سابق ایم این اے عارف عزیز شیخ نے کہا کہ گندم کے نرخوں میں کمی ہونے کے باوجود روٹی اور نان کی قیمتوں میں کمی نہیں آ سکی ۔