سابق آئی جی سندھ اے ڈی خواجہ چیئرمین ایکسپورٹ پروسیسنگ زونز اتھارٹی تعینات نوٹیفکیشن جاری

وفاقی حکومت نے تین برس کے لیے تقرری کی منظورِی دے دی ایکسپورٹ پروسیسنگ زونز اتھارٹی وزارت صنعت و پیداوار کے تحت فرائض سرانجام دے گی

صدر ایگریکلچر چیمبر آف کامرس جنوبی پنجاب شیخ ناصر سلیم ایڈووکیٹ نے اے ڈی خواجہ کو ان کی نئی تقرری پر مبارک باد دی اور اُنکے لیے اپنی نیک خواہشات کا اظہار کیا ہے

اسلام آباد(سٹاف رپورٹر) وفاقی حکومت نے سابق انسپکٹر جنرل پولیس سندھ اے ڈی خواجہ کو چیئرمین ایکسپورٹ پروسیسنگ زونز اتھارٹی مقرر کرنے کا نوٹیفکیشن جاری کر دیا- ان کی تقرری کا دورانیہ تین برس مقرر کیا گیا ہے- خیال ہے کہ ایکسپورٹ پراسیسنگ زون وزارت صنعت وپیداوار حکومت پاکستان کے تحت فرائض انجام دے رہا ہے- ادھر صدر ایگریکلچر چیمبر آف کامرس جنوبی پنجاب شیخ ناصر سلیم ایڈووکیٹ نے جناب اے ڈی خواجہ کو چیئرمین ایکسپورٹ پراسیسنگ زونز اتھارٹی تعینات کرنے کے وفاقی حکومت کے فیصلے کا خیر مقدم کیا ہے اور جناب اے ڈی خواجہ کو ان کی نئی تقرری پر مبارکباد دیتے ہوئے ان کے لیے اپنی نیک خواہشات کا اظہار کیا ہے اور مستقبل میں انکی کامیابی وکامرانی کیلئے دعا کی ہے