مدیر احسان احمد سحر کی اہلیہ سیدہ نجمہ بخاری مرحومہ کی تیسری برسی خاندانی رسم و رواج کے مطابق منائی گئی
سیٹلائٹ ٹاؤن میں مدیراحسان احمد سحر کی اقامت گاہ پر قرآن خوانی کا اہتمام کیا گیا قران خوانی اور خصوصی دعا کے بعد شرکاء میں لنگر بھی تقیم کیا گیا
احمد پور شرقیہ (سٹاف رپورٹر ) مدیر روزنامہ نوائے احمدپور شرقیہ احسان احمد سحر کی اہلیہ سیدہ نجمہ بخاری مرحومہ و مغفورہ سابق ہیڈ مسٹریس گورنمنٹ گرلز ماڈل ہائی سکول احمد پورشرقیہ کی تیسری برسی ان کی اقامت گاہ سیٹلائٹ ٹاؤن پر خاندانی رسم ورواج رواج کے مطابق منائی گئی اس موقع پر سیدہ مرحومہ کے ایصال ثواب کے لیے فا تحہ خوانی و قران خوانی کی گئی جبکہ شرکاء میں طعام بھی تقسیم کیا گیا جامع مسجد علی کے امام مولانا عبدالجبار نے سیدہ نجمہ بخاری مرحومہ کے ایصال ثواب کے لیے خصوصی دعا کرائی جبکہ سید نجم الحسن بخاری نے ہدیہ نعت پیش کیا
تقریب میں جامع مسجد علی جنرل بس سٹینڈ کے مدرسے کے طلباء کے علاوہ پروفیسر شہزاد احمد خان، اعجاز احمد خان ایڈووکیٹ، سید محمد زاہد شاہ،شبیراحمد قریشی،اور عزیز و اقارب نے شرکت کی مدیر احسان احمد سحر نے سیدہ نجمہ بخاری کی تیسری برسی کے موقع پر سیٹلائیٹ ٹاؤن میں اُنکی آخری آرامگاہ پر پھول چڑھائے اور فاتحہ خوانی کی اور دعا کہ اللہ تعالی سیدہ نجمہ بخاری مرحومہ و مغفورہ کی بشری کوتاہیوں کو درگزر فرمائے انکے درجات بلند کرے اور انکی آخری آرام گاہ پر اپنی رحمت کا سائباں پھیلا دے آمین