مدیر احسان احمد سحر کی مخدوم سید ذوالفقار حسین بُخاری کے انتقال پر اُنکے چاروں صاحبزادگان سے تعزیت ایصال ثواب کے لئے فاتحہ خوانی کی
مخدوم صاحب وضعدار شخصیت کے حامل انسان تھے جنہوں نے اپنے سیاسی کیریئر میں صحافی برادری کے ساتھ ہمیشہ انتہائی خوشگوار تعلقات قائم رکھے احسان احمد سحر کا شاندار خراج عقیدت
جانو والہ: مدیر روزنامہ نوائے احمد پور شرقیہ احسان احمد سحر نے گزشتہ سے پیوستہ روز جانو والہ پہنچ کر بزرگ دینی سماجی اور سیاسی شخصیت مخدوم سید ذوالفقار حسین بخاری کے انتقال پر ان کے صاحبزادگان پیپلز پارٹی کے سابق صوبائی ٹکٹ ہولڈر مخدوم سید نسیم عباس بخاری، سید انتصار حسین بخاری سید اقتدار حسین بخاری اور سید ابرار حسین بخاری سے اظہار تعزیت کیا اور ایصال ثواب کے لیے فاتحہ خوانی کی-
مدیر احسان احمد سحر نے مخدوم سید ذوالفقار حسین بخاری کی طویل علاقائی عوامی خدمات انہیں خراج عقیدت پیش کرتے ہوئے کہا کہ مخدوم صاحب وضعدار شخصیت کے حامل انسان تھے جنہوں نے اپنے سیاسی کیریئر میں مبارک پور کی صحافی برادری کے ساتھ ہمیشہ انتہائی خوشگوار تعلقات قائم رکھے – اُنہوں نے دعا کی کہ اللہ تعالی مخدوم سید ذوالفقار حسین بُخاری مرحوم کی آخری آرام گاہ پر اپنی رحمت کا سائبان پھیلا دے اور اُنکے لواحقین کو یہ صدمہ برداشت کرنے کی ہمت عطا کرے آمین