حاصل پور تھانہ صدر کی حدود میں منشیات فروشوں نے پنجے گاڑھ لئیے

حاصل پور تھانہ صدر کی حدود میں منشیات فروشوں نے پنجے گاڑھ لئیے نوجوان نسل نشے بے راہ روی کا شکار اہل علاقہ سابق نمبردار موضع پلہ محمد یار شہزاد عباسی اسلم خان مہرانور جھبیل نے ارباب اختیار سے نوٹس لینے کا مطالبہ کرتے ہوئے کہا کہ جب سے ایس ایچ او تھانہ صدر ظفر رفیق لاشاری تعینات ہوا ہے تب سے چرس افیون ہیروئن شراب کا دھندہ عروج پر ہے خصوصی چمک کی بدولت چھوٹے موٹے ڈیلروں کو پکڑ کر معمولی پرچے دے دئیے جاتے ہیں جبکہ بڑے ڈیلروں سے منتھلیاں وصول کرکے ان کو کھلی چھٹی دی جاتی ہے اہل علاقہ نے ڈی پی او بھاول پور سے مطالبہ کیا ہے کہ بستی چکر قادے والا بستی نور شاہ چک کٹورہ ودیگر علاقوں میں خفیہ ٹیم بھیجی جائے جوکہ علاقہ میں وزٹ کرکے رپورٹ پیش کریں اور معاشرے کے ناسوروں کو کیفرکردار تک پہنچائیں نشہ بیچنے والے راتوں رات امیر ہوچکے ہیں جوکہ پیسوں کے بل بوتے پر نوجوانوں کو تباہی کے راستے پر لے جارہی ہے مزید انہوں نے کہا کہ آئی جی پنجاب کی جانب سے بھی منشیات فروشوں کے خلاف مہم چلائی تھی جوکہ موجودہ ایس ایچ او کی نا اہلی کی وجہ سے کامیاب نہ ہو سکی اگر کرپٹ ایس ایچ او تھانہ صدر کو معطل نہ کیا گیا تو بھت جلد تھانہ صدر کا علاقہ غیر میں تبدیل ہو جائے گا