اوچ پریس کلب کے نو منتخب صدر ڈاکٹر ذوالفقار علی مکول کی زیر صدارت اجلاس ،سینئر صحافی اکمل شیخ گروپ میں شا مل سرپرست مقرر
سرپرست اعلی اور مدیر احسان احمد سحر نے چیف آرگنائزر ارشاد احمد شاد کی خصوصی دعوت پر اجلاس میں شرکت کی ،پریس کلب کی نئی کابینہ نے آفس کے قیام ،اور ماہانہ اجلاس کے انعقاد سمیت متعدد فیصلے کیے
اوچشریف :دنیا ٹی وی چینل سے وابستہ اوچشریف کے سینیئر صحافی محمد اکمل شیخ ڈاکٹر ذوالفقار علی مکول کی سربراہی میں منتخب ہونے والے اوچ پریس کلب اینڈ میڈیا گروپ میں شامل ہو گئے اس امر کا اعلان انہوں نے آج شام راشد منہاس اسکول میں منعقدہ تقریب میں کیا جس میں مدیر روزنامہ نوائے احمد پور شرقیہ اور سرپرست اعلی احسان احمد سحر نے چیف آرگنائزر ارشاد احمد شاد کی خصوصی دعوت پر شرکت کی -تقریب کی صدارت صدر ڈاکٹر ذلفقار علی مکول نے کی اس موقع پر ہر ماہ پریس کلب اینڈ میڈیا گروپ اوچشریف کا اجلاس منعقد کرنے نئے دفتر کے قیام سمیت صحافیوں کے دیگر مسائل کے بارے میں فیصلے کیے گئے – چیف آرگنائزر ارشاد احمد شاد کی جانب سے تقریب میں محمد اکمل شیخ کو اوچ پریس کلب اینڈ میڈیا گروپ کا سرپرست مقرر کرنے کا اعلان کیا گیا جسکی اجلاس میں موجود تمام اراکین نے تائید کی