ڈی پی او بہاول پور اسد سرفراز خان کی اوچ شریف میں کھلی کچہری، متعلقہ افسران کو احکامات جاری

اوپن ڈور پالیسی کے تحت عوام کے مسائل ترجیجی بنیادوں پر حل کیے جا رہے ہیں ڈی پی او کا اظہار خیال

 اوچ شریف (کرائم رپورٹر) ڈی پی او بہاول پور اسد سرفراز خان کی اوچ شریف میں کھلی کچہری، شہریوں کے مسائل کے حل کے لیے متعلقہ افسران کو احکامات جاری کیے، تفصیلات کے مطابق ڈی پی او بہاول پور اسد سرفراز خان نے گزشتہ روز تھانہ اوچ شریف میں کھلی کچہری کا انعقاد کیا، اس موقع پر ڈی پی او نے پولیس سے متاثرہ شہریوں کی شکایات اور مسائل کے لیے موقع پر متعلقہ افسران کو احکامات جاری کیے

اس موقع پر اظہار خیال کرتے ہوئے ڈی پی او اسد سرفراز خان نے کہا کہ اوچ شریف میں کھلی کچہری کے انعقاد کا مقصد عوام کو بروقت اور میرٹ پر انصاف کی فراہمی کو یقینی بنانا ہے، انہوں نے کہا کہ وزیر اعلیٰ پنجاب مریم نواز شریف اور آئی جی پنجاب ڈاکٹر عثمان انور کے ویژن کے مطابق اوپن ڈور پالیسی کے تحت عوام کے مسائل ترجیجی بنیادوں پر حل کیے جا رہے ہیں۔ دریں اثنا کھلی کچہری کے موقع پر شہریوں نے ڈی پی او کو اپنی شکایات پیش کیں، جس پر ڈی پی او نے متعلقہ افسران کو کارروائی اور تحقیقات کرنے کے احکامات جاری کیے۔