ڈسٹرکٹ پولیس آفیسرمحمد حسن اقبال کی حاصل پور میں ڈی ایس پی بخت نصر کے ہمراہ کھلی کچہری

عوام عید الاضحی کے موقعہ پر امن و امان کے قیام کے لیے اپنا کردار ادا کریں حکومتی ایس او پیز پر عمل درآمد کریں خطاب فیضان اسلم تحصیلدار بھی موجود تھے

حاصل پور :ڈسٹرکٹ پولیس آفیسر محمد حسن اقبال نے دفتر ڈی ایس پی کے لان میں  ڈی ایس پی بخت نصر اور تحصیلدار فیضان اسلم کے ہمراہ کھلی کچہری لگا کر عوام کے مسائل سنے کھلی کچھری میں لوگوں کی کثیر تعداد نے اپنے مسائل پیش کیے جس پر ڈی پی او موقعہ پر ہی احکامات جاری کیے

کھلی کچھری سے ڈسٹرکٹ پولیس آفیسر بھاول پور محمد حسن اقبال نے خطاب کرتے ہوئے کہا کہ وزیر اعلی پنجاب مریم نواز اور آئی جی پنجاب پولیس ڈاکٹر عثمان انور کے ویژن انصاف عوام کی دہلیز پر کے تحت کھلی کچھری کا سلسلہ جاری رہے گا کیونکہ حاصل پور کا بھاول پور سے فاصلہ ایک سو کلو میٹر ہے عوام کو بھاول پور جانے میں پریشانی ہوتی ہے ہماری کوشش ہے کہ عوام کو ان کی دہلیز پر ترجیحی بنیادوں پر انصاف ملے جرائم کے خاتمہ اور جرائم پیشہ عناصر کی بیخ کنی کے لیے پولیس پوری طرح متحرک ہے سٹی حاصل پور پولیس نے ڈی ایس پی بخت نصر اور ایس ایچ او غلام عباس نیازی کی نگرانی میں قتل کی دو وارداتوں کے ملزمان کو گرفتار کرلیا ہے جبکہ عیدالاضحی کی آمد کے پیش نظر دشمنی والے مقدمات کے ملزمان و مدعیان سے سیکورٹی بانڈ لیے جائیں گے تاکہ کسی قسم کا کوئی وقوعہ رونما نہ ہوسکے عوام عید الاضحی کے موقعہ پر امن و امان کے قیام کے لیے اپنا کردار ادا کریں حکومتی ایس او پیز پر عمل درآمد کریں کسی قسم کی شرانگیزی ہوائی فائرنگ کھلے عام پائے جلانے اور بغیر اجازت قربانی کی کھالیں اکھٹی کرنے سے گریز کیا جائے کھلی کچہری میں ریونیو کے متعلق معاملات دیکھنے کے لیے فیضان اسلم تحصیلدار بھی موجود تھے