وزیراعظم عمران خان کے گزشتہ روز جلسہ عام میں بھارتی خارجہ پالیسی کی تعریف کے بیان کو بھارتی میڈیا نے بریکنگ نیوزکے طورپرپیش کیا اور کہاکہ پڑوسی ملک کے وزیراعظم کا بیان بھارتی خارجہ پالیسی کی کامیابی کا اعتراف ہے۔
درگئی میں جلسہ عام سے خطاب میں وزیراعظم نے بھارت کی خارجہ پالیسی کی تعریف کی اورکہاکہ بھارت کو داد دیتا ہوں جس نے ہمیشہ آزاد خارجہ پالیسی رکھی، ایک جانب امریکا کا اتحادی ہے تو دوسری جانب پابندیوں کے باوجود روس سے تیل لے رہا ہے، ہماری خارجہ پالیسی بھی عوام کے مفاد میں ہوگی۔ اس کے علاوہ وزیراعظم کے بیان پرسوشل میڈیا پر تبصرے بھی کیے جا رہے ہیں۔
