ڈسٹرکٹ ہیلتھ افیسر ڈاکٹر خالد چنڑ کا مریم نواز کلینک جانوالہ کا اچانک دورہ
بعد ازاں ڈسٹرکٹ ہیلتھ آفیسر نے بنیادی مرکز چک لوہاراں اور دیہی مرکز صحت مبارک پور کا بھی دورہ کیا
مبارک پور ( نامہ نگار)وزیر اعلی پنجاب مریم نواز کے ویژن پر عمل درامد کرتے ہوئے محکمہ صحت پنجاب عوام کو بہترین طبی سہولیت فراہم کرنے میں کوشاں ہے ان خیالات کا اظہار ڈسٹرکٹ ہیلتھ افیسر بہاولپور ڈاکٹر خالد چنڑ نے مریم نواز کلینک جانوالہ کا اچانک دورہ کرنے کے دوران صحافیوں سے گفتگو کرتے ہوئے کیا
انہوں نے کہا چیف ایگزیکٹو ہیلتھ ضلع بہاولپور ڈاکٹر عامر بشیر کی ہدایت پر ضلع بھر کے تمام ہیلتھ سینٹرز پر عوام کو بہترین طبی سہولیات فراہم کی جا رہی ہیں اور ان کو بہترین طریقے سے مانیٹرنگ بھی کیا جا رہا ہے ڈی ایچ او ڈاکٹر خالد چنڑ نے مریم نواز کلینک جانوالہ کا تفصیلی وزٹ کرتے ہوئے ای پی ائی رجسٹر میڈیسن کا سٹاک اور دیگر طبی سہولیات کا معائنہ کرتے ہوئے اطمینان کا اظہار کیا اور ڈیوٹی پر مامور لیڈی ڈاکٹر انیقہ خالد کو ہدایت جاری کی کہ سینٹر پر عوام کو مفت طبی سہولیات فراہم کرنے میں کسی قسم کی کسر نہ چھوڑی جائے۔ بعد ازاں ڈسٹرکٹ ہیلتھ آفیسر ڈاکٹر خالد چنڑ نے بنیادی مرکز چک لوہاراں اور دیہی مرکز صحت مبارک پور کا بھی دورہ کیا۔