ڈپٹی کمشنر سید حسن رضا نے مسیحی برادری کے ہمراہ کرسمس کیک کاٹا

وزیراعلیٰ پنجاب مریم نواز شریف کی خصوصی ہدایات پرضلعی انتظامیہ مسیحی بھائیوں کی خوشیوں میں برابر کی شریک ہے ڈپٹی کمشنر بہاولپور

بہاول پور: 20/ دسمبر: ڈپٹی کمشنر بہاولپور سید حسن رضا نے مسیحی برادری کے ہمراہ کرسمس کیک کاٹا اور کرسمس کی تقریبات میں شرکت کے لیے ابنِ مریم چرچ اسلامی کالونی بہاولپور کا دورہ کیا۔ اس موقع پر منعقدہ کرسمس تقریب میں فادر یونس شہزاد، ایم ڈی بہاولپور ویسٹ مینجمنٹ کمپنی نعیم اختر، مسیحی برادری کے معززین، ضلعی انتظامیہ کے افسران اور شہریوں کی بڑی تعداد شریک تھی۔

تقریب سے خطاب کرتے ہوئے ڈپٹی کمشنر سید حسن رضا نے کہا کہ کرسمس کے موقع پر حکومتِ پنجاب مسیحی برادری کے شانہ بشانہ کھڑی ہے اور وزیراعلیٰ پنجاب مریم نواز شریف کی خصوصی ہدایات پرضلعی انتظامیہ مسیحی بھائیوں کی خوشیوں میں برابر کی شریک ہے۔ انہوں نے کہا کہ کرسمس کے تہوار کے دوران سکیورٹی، صفائی ستھرائی، بجلی کی بلا تعطل فراہمی اور دیگر سہولیات کی فراہمی کو یقینی بنانے کے لیے فول پروف انتظامات کیے گئے ہیں تاکہ مسیحی برادری بلا خوف و خطر اپنا مذہبی تہوار منا سکے۔ ڈپٹی کمشنر نے کہا کہ مسیحی ملازمین کی تنخواہیں بروقت ادا کر دی گئی ہیں اور ضلعی انتظامیہ اس بات کی مکمل یقین دہانی کراتی ہے کہ کرسمس کے موقع پر بہترین انتظامات اور سہولیات فراہم کی جائیں گی۔ انہوں نے کہا کہ کرسمس مسیحی برادری کے لیے خوشی، امن اور نئے عزم کا پیغام لے کر آتا ہے اور یہ تہوار دنیا بھر میں جوش و خروش سے منایا جاتا ہے۔

ڈپٹی کمشنر سید حسن رضا نے مزید کہا کہ پاکستان میں اقلیتی برادری کو مکمل مذہبی آزادی حاصل ہے اور یہاں ہر مذہب، نسل اور رنگ سے تعلق رکھنے والے افراد ایک دوسرے کی خوشیوں میں شریک ہوتے ہیں، جو بین المذاہب ہم آہنگی اور رواداری کی خوبصورت مثال ہے۔ انہوں نے مسیحی برادری کو کرسمس کی دلی مبارکباد پیش کرتے ہوئے کہا کہ ضلعی انتظامیہ ہر سطح پر ان کے ساتھ کھڑی ہے۔ تقریب کے اختتام پر مسیحی برادری کے نمائندوں نے ڈپٹی کمشنر بہاولپور اور ضلعی انتظامیہ کا شکریہ ادا کیا اور کرسمس کی خوشیوں کا اظہار ک