ڈپٹی کمشنر ڈاکٹر فرحان فاروق اور ڈی پی او اسد سرفراز کا سابق گورنر پنجاب سے اظہار تعزیت

دونوں افسران انجینئر میاں بلیغ الرحمان کے گھر گئے اور ان کے چچا اور میاں نبیل الرحمن کے والد مرحوم کے ایصال ثواب کیلئے فاتحہ خوانی کی

بہاول پور:7/ مارچ :ڈپٹی کمشنر ڈاکٹر فرحان فاروق اور ڈسٹرکٹ پولیس آفیسر اسد سرفراز سابق گورنر پنجاب میاں بلیغ الرحمان کے گھر گئے اور ان کے چچا اور میاں نبیل الرحمن کے والد کی وفات پر اظہار تعزیت کیا۔انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور پسماندگان کو یہ صدمہ ہمت سے برداشت کرنے کی توفیق عطا فرمائے۔اس موقع پر پارلیمانی سیکرٹری برائے پلاننگ اینڈ ڈویلپمنٹ پنجاب و ایم پی اے ڈاکٹر رانا محمد طارق خان اور میاں شاہد اقبال بھی موجود تھے۔