ڈپٹی کمشنر ڈاکٹر فرحان فاروق کا رورل ہیلتھ سنٹر مبارک پور اور بنیادی مرکز صحت علی کھاڑک کا اچانک دورہ
مریضوں کی بنیادی طبی سہولیات اور سنٹر پر ہونے والے ریومپنگ کاموں کا جائزہ لیا۔ڈسٹرکٹ ہیلتھ آفیسر پریونیٹو سروسز ان کے ہمراہ تھے
مبارک پور ( شیراز حیدر خان نامہ نگار) ڈپٹی کمشنر ڈاکٹر فرحان فاروق کا رورل ہیلتھ سنٹر مبارک پور اور بنیادی مرکز صحت علی کھاڑک کا اچانک دورہ مریضوں کی بنیادی طبی سہولیات اور سنٹر پر ہونے والے ریومپنگ کاموں کا جائزہ لیا۔ تفصیل کے مطابق ڈپٹی کمشنر ڈاکٹر فرحان فاروق نے ڈسٹرکٹ ہیلتھ آفیسر ڈاکٹر خالد چنڑ کے ہمراہ رورل ہیلتھ سنٹر مبارک پور اور بنیادی مرکز صحت علی کھاڑک تحصیل احمد پور شرقیہ کا دورہ کیا انھوں نے مریضوں کی عیادت کرتے ہوئے مریضوں کو طبی سہولیات کی فراہمی کا بھی جائزہ لیا ڈسٹرکٹ ہیلتھ آفیسر پریونیٹو سروسز ان کے ہمراہ تھے
ڈپٹی کمشنر نے دیہی مرکز صحت مبارک پور میں سٹاف کی حاضری اور ادویات کا سٹاک چیک کیا۔انھوں نے مریضوں کو فراہم کی جانے والی ادویات اور مریضوں کی رجسٹریشن کے اندراج کو مزید بہترانداز میں مرتب کرنے کی ہدایت کی اس موقع پر انچارج میڈیکل آفیسر ڈاکٹر عالمگیر نے ہسپتال میں درپیش مسائل سے آگاہ کیا جس پر انہوں نے مسائل کو ترجیحی بنیادوں پرحل کرانے کی یقین دہانی کرائی ۔ بعد ازاں انھوں نے بنیادی مرکز صحت علی کھاڑک تحصیل احمد پور شرقیہ میں جاری ری ویمپنگ کے کاموں کا معائنہ کیا۔ انھوں نے متعلقہ افسران کو ہدایت کی کہ ترقیاتی کام اعلیٰ کوالٹی کے ساتھ بروقت مکمل کرائے جائیں۔ انہوں نے انچارج ہیلتھ سنٹر کو ہدایت کیں ترقیاتی کاموں کی باقاعدگی سے مانیٹرنگ کی جائے