پرنس بہاول خان عباسی کی مخدوم سید علی حسن گیلانی کی رسم چہلم میں شرکت ،جانشین مخدوم سید عامر علی شاہ ایم پی اے کی دستار بندی کی

امیر آف بہاولپور کے ولی عہد پرنس بہاول خان عباسی گزشتہ ہفتہ کے دوران بہاولپور، احمد پور شرقیہ اور اوچشریف کے مُختلف علاقوں میں خوشی و غمی کی متعدد تقریبات میں بھی شریک ہوئے

بہاولپور+ احمد پور شرقیہ +اوچ شریف( نامہ نگاران) امیر آف بہاولپور نواب صلاح الدین عباسی کے ولی عہد پرنس بہاول عباس خان عباسی کی عوامی رابطہ مہم جاری ہے -انہوں نے گزشتہ ایک ہفتہ کے دوران بہاولپور احمد پور شرقیہ اور اوچشریف کے مختلف علاقوں میں خوشی غمی کی متعدد تقریبات میں شرکت کی جبکہ وہ صادق گڑھ پیلس کے اپنے دفتر میں عوامی وفود سے ملاقاتوں کا سلسلہ بھی جاری رکھے ہوئے ہیں-

پرنس بہاول عباس خان عباسی سابق وفاقی پارلیمانی سیکرٹری مخدوم سید علی حسن گیلانی کی رسم چہلم میں بھی شریک ہوئے جہاں انہوں نے ان کے ماموں زاد بھائی پیپلز پارٹی کے رکن پنجاب اسمبلی مخدوم سید عامر علی شاہ کی دستار بندی کی اور مرحوم کے درجات کی بلندی اور مغفرت کے لیے دعا کی- پیپلز پارٹی جنوبی پنجاب کے صدر مخدوم سید احمد محمود سابق گورنر پنجاب سابق وفاقی وزیر چودری طارق بشیر چیمہ، سابق ایم این اے سردار ملک عامریاروارن اور رکن پنجاب اسمبلی حسن عسکری شیخ سمیت سرکردہ سیاسی و سماجی شخصیات کےعلاوہ ہزاروں افراد اس موقع پر موجود تھے