پرنس بہاول عباس خان عباسی لاہور سے آبائی رہائش گاہ صادق گڑھ پیلس پہنچ گئے

صادق گڑھ پیلس کے دفتر میں وفود سے ملاقاتوں کا پروگرام ،ہفتہ عشرہ مبارک محل میں قیام کریں گے سٹاف نے مصروفیات کا شیڈول تیار کر لیا
ڈیرہ نواب صاحب (نمائندہ خصوصی) امیر بہاولپور نواب صلاح الدین عباسی کے ولی عہد پرنس بہاول عباس خان عباسی گزشتہ شام لاہور سے اپنے آبائی اقامت گاہ صادق گڑھ پیلس پہنچ گئے – تفصیلات کے مطابق پرنس بہاول خان عباسی ہفتہ عشرہ مبارک محل میں قیام کریں گے اس دوران وہ ہر شعبہ زندگی  سے تعلق رکھنے والے افراد سے ملاقاتیں کریں گے- دریں اثناء پرنس بہاول خان عباسی کے سٹاف نے اس  سلسلے میں ان کا شیڈول تیار کر لیا ہے- بتایا گیا ہے کہ ولی عہد پرنس عباسی علاقہ میں غمی و خوشی کی  تقریبات میں بھی شریک ہوں گے