اوچشریف شہر کے نواحی علاقوں میں فصلوں کی باقیات جلانے کا سلسلہ جاری ، آ لودگی پھیلنے لگی ، محکمہ ماحولیات خاموش تماشائی ، عوامی سماجی حلقوں میں شدید تشویش ، ارباب اختیار سے اصلاح احوال کا مطالبہ

تفصیل کے مطابق اوچشریف کے نواحی علاقوں میں کاشت کاروں کی جانب سے فصلوں کی باقیات کوآگ لگانے کا سلسلہ جاری ہے جس سے دھوئیں کے بادل ماحول کو آلودہ اور دھندلا کر رہے ہیں جس سے نہ صرف ماحولیاتی آلودگی میں اضافہ ہو رہا ہے بلکہ ٹریفک کی روانی میں بھی مشکلات پیش آ رہی ہیں جبکہ محکمہ ماحولیات کی جانب سے ذمہ داروں کے خلاف کاروائی کی بجائے خاموشی اختیار کر لی گئی ہے گزشتہ روز بھی اوچ شریف کے نواحی علاقے میں فصل کی باقیات کو آگ لگانے سے پیدا ہونے والے دھوئیں کی وجہ سے کے ایل پی روڈ پر ٹریفک متاثر ہوئی جس میں کئی گاڑیاں آپس میں ٹھکرانے سے بال بال بچ گئیں اس کے باوجود بھی محکمہ ماحولیات خاموش تماشائی بنا ہوا ہے جس کی وجہ سے عوامی سماجی حلقوں میں شدید تشویش پائی جاتی ہے اور انہوں نے ارباب اختیار سے نوٹس لیتے ہوئے اصلاح احوال کا مطالبہ کیا ہے۔