سردار عبداللہ خان ڈاہر مرحوم کی کمی کو آج بھی محسوس کرتا ہوں نواب صلاح الدین عباسی

کوٹلہ موسی خان کے ڈاہر خاندان نے قومی و صوبائی انتخابات میں ہمیشہ میرا ساتھ دیا ڈا ہر خاندان کے ساتھ نبھانے کی خوشگوار یادیں ہیں

مجھے یہ جان کر خوشی ہوئی ہے کہ ولی عہد پرنس بہاول عباس عباسی اور سررار عمیر عبداللہ ڈاہر کے مابین انتہائی خوشگوار تعلقات قائم ہیں

مجھے توقع ہے کہ دونوں نوجوان قائدین عباسی خاندان اور ڈاہرخاندان کے مابین نہ صرف دیرینہ قریبی تعلق نبھائیں گے بلکہ اسے مزید مضبوط بنائیں گے ،امیر آف بہاولپور کی گفتگو

ڈیرہ نواب صاحب(نامہ نگار) امیر آف بہاولپور نواب صلاح الدین عباسی نے کہا ہے کہ کوٹلہ موسی خان کا ڈ اہر خاندان ان کا دیرینہ ساتھی ہے سردار عبداللہ خان ڈاہر مرحوم سابق ایم پی اے کی کمی وہ آج بھی بڑی شدت سے محسوس کرتے ہیں ان خیالات کا اظہار انہوں نے ضلع کونسل کے سابق رکن سردار عمیر عبداللہ خان ڈاہر سے گفتگو کرتے ہوئے کیا جنہوں نے آج ایک بڑے وفد کے ساتھ صادق گڑھ پیلس کے دفتر میں ان سے ملاقات کی تھی-ولی عہد پرنس بہاول عباس عباسی بھی اس موقع پر موجود تھے- نواب صلاح الدین عباسی نے اس موقع پر سردار عبداللہ خان ڈا ہر مرحوم ان کے بڑے بھائی سردار غلام قادر ڈاہر مرحوم اور ڈاہرخاندان کے دیگر افراد کا تذکرہ کرتے ہوئے کہا کہ ڈا ہر خاندان نے قومی اور صوبائی اسمبلی کے عام انتخابات میں ہمیشہ ان کا ساتھ دیا- نواب صلاح الدین نے عباسی نے سردار عمیر عبداللہ ڈہر اور پرنس بہاول عباس عباسی کے ما بین

کہ مابین خوشگوار تعلقات پر اپنی خوشی کا اظہار کیا اور کہا کہ انہیں توقع ہے کہ یہ دونوں نوجوان قائدین مستقبل میں عباسی خاندان اور ڈا ہر خاندان کے مابین اس دیرینہ تعلق کو نہ صرف قائم رکھیں گے بلکہ اسے مضبوط بنائیں گے- سردار عمیر عبداللہ خان ڈا ہر سابق ممبر ضلع کونسل نے اس موقع پر اظہار خیال کرتے ہوئے ولی عہد پرنس بہاول عباس خان عباسی کے لیے اپنی نیک خواہشات کا اظہار کیا -انہوں نے کہا کہ ان کے بزرگوں کے نواب صاحب سے انتہائی قریبی تعلقات تھے انشاءاللہ وہ اس دیرینہ رشتے کو نبھائیں گے-وفد میں شامل دیگر اراکین نے بھی نواب صاحب سے فردا فردا ملاقات کی اور انہیں اپنے درمیان پا کر خوشی کا اظہار کیا –