نواب آف بہاولپور مرحوم کے پوتے نے مدیر احسان احمد سحر کے صبر جمیل کے لیے بھی دعا کی اور ان کی اہلیہ کے رحلت کر جانے پر دکھ وافسوس کا اظہار کیا اعجاز احمد خان ایڈوکیٹ بھی اس موقع پر موجود تھے
احمد پور شرقیہ( سٹاف رپورٹر )سابق ریاست بہاولپور کے آخری تاجدار حکمران نواب جنرل سر صادق محمد خان عباسی کے پوتے صاحبزادہ محمد عمر داؤد خان عباسی مرکزی وائس چیئرمین اتحاد عباسیہ پاکستان نے آج شام مدیر روزنامہ نوائے احمد پور شرقیہ احسان احمد سحر سے ان کی اقامت گاہ سیٹلائٹ ٹاؤن پر ان کی اہلیہ سیدہ نجمہ بخاری سابق ہیڈ مسٹریس گورنمنٹ گر لز ہائی سکول کے انتقال پر تعزیت کی اور اپنے دلی رنج و غم کا اظہار کیا- صاحبزادہ محمد عمر خان عباسی نے اس موقع پر سیدہ نجمہ بخاری مرحومہ کے ایصال ثواب کے لیے فاتحہ خوانی کی اور مدیر احسان احمد سحر کے صبر جمیل کے لیے بھی دعا کی- مدیر احسان احمد سحر کے چھوٹے بھائی اعجاز احمد خان ایڈوکیٹ ان کے بھتیجے انس خان اور ملک محمد عابد بھی اس موقع پر موجود تھے
