امیر آف بہاولپور کے ولی عہد نے اپنے دادا نواب محمد عباس خان عباسی مرحوم اور پر دادا نواب سر صادق محمد خان عباسی مرحوم کے مزارات پربھی فاتحہ خوانی کی
ڈیرہ نواب صاحب( نامہ نگار) پرنس بہاول خان عباسی گذشتہ روز ڈیراور گئے جہاں انہوں نے شاہی قبرستان کے مجاور اللہ بچایا کے انتقال پر سوگوار خاندان سے تعزیت کی انہوں نے اس موقع پر اللہ بچایا مرحوم کے ایصال ثواب کے لئے فاتحہ خوانی کی اور پسماندگان سے دلی ہمدردی کا اظہار کیا- صادق گڑھ واپسی سے قبل امیر آف بہاولپور کے ولی عہد شاہی قبرستان بھی گئے جہاں انہوں نے اپنے دادا نواب محمد عباس خان عباسی مرحوم اور پر دادا نواب سر صادق محمد خان عباسی مرحوم کے مزارات پر فاتحہ خوانی کی پھولوں کی چادریں چڑھائی- پرنس بہاول خان عباسی نے اس موقع پر چولستانی بچوں میں جوسز اور نقد رقم بھی تقسیم کی
