کمشنر مسرت جبیں کا بہاول وکٹوریہ ہسپتال کے شعبہ آؤٹ ڈور کا دورہ

انہوں نے نئی تنصیب شدہ جدید سی ٹی سکین مشین کا بھی معائنہ کیا۔ ڈپٹی کمشنر ڈاکٹر فرحان فاروق ہمراہ تھے

بہاول پور:18/ مارچ:کمشنر بہاول پور ڈویژن مسرت جبیں نے ڈپٹی کمشنر ڈاکٹر فرحان فاروق کے ہمراہ بہاول وکٹوریہ ہسپتال کے شعبہ ایمرجنسی اور بیرونی مریضاں کا دورہ کیا۔انھوں نے وزیراعلیٰ پنجاب کی جانب سے بہاول وکٹوریہ ہسپتال کے لیے فراہم کردہ جدید ٹیکنالوجی کی حامل سی ٹی سکین 128سلائس مشین کا معائنہ کیا جو غریب اور مستحق مریضوں کے لیے مہیا کی گئی ہے۔

کمشنر بہاولپور ڈویژن مسرت جبیں نے کہا کہ وزیراعلیٰ پنجاب کا وژن ہے کہ عوام کو صحت کی بہترین سہولیات فراہم کی جائیں۔انہوں نے مریضوں اور ان کے لواحقین سے علاج معالجے کی دستیاب سہولیات بارے بھی دریافت کیا اورہسپتال کے آؤٹ ڈور میں مریضوں کو ادویات کی فراہمی پر اطمینان کا اظہار کیا۔ اس موقع پرمیڈیکل سپرنٹنڈنٹ بی وی ایچ اور ڈائریکٹر شعبہ ایمرجنسی سمیت دیگر متعلقہ افسران ان کے ہمراہ تھے۔کمشنر مسرت جبیں نے ہدایت کی کہا کہ مریضوں کے علاج معالجے میں کوئی مشکل نہیں ہونی چاہیے۔انہوں نے بہاول وکٹوریہ ہسپتال کے شعبہ آؤٹ ڈور اور ایمرجنسی میں مریضوں کو ادویات کی فراہمی کے نظام کا جائزہ بھی لیا۔ انہوں نے کہا کہ ڈاکٹرز اور پیرامیڈیکل سٹاف لوگوں کو علاج معالجہ کی سہولیات فراہم کرنے میں اپناکردار ادا کریں