کمشنر مسرت جبیں کا بہاول وکٹوریہ ہسپتال کے کڈنی سنٹر کا اچانک دورہ

ہسپتال کے احاطے میں موجود تمام مین ہولز کو فوراً کور کرنے کی میڈیکل سپرنٹنڈنٹ اور ایڈیشنل میڈیکل سپرنٹنڈنٹ کو ہدایات جاری کیں

بہاول پور: کمشنر بہاولپور ڈویژن مسرت جبیں نے بہاول وکٹوریہ ہسپتال کے کڈنی سنٹر کا اچانک دورہ کیا۔ دورے کے دوران انہوں نے صفائی ستھرائی کے ناقص انتظامات پر برہمی کا اظہار کرتے ہوئے کہا کہ ہسپتال کی صفائی کا نظام فوراً بہتر بنایا جائے۔کمشنر مسرت جبیں نے میڈیکل سپرنٹنڈنٹ اور ایڈیشنل میڈیکل سپرنٹنڈنٹ کو ہدایات جاری کیں کہ مریضوں کی دیکھ بھال میں کسی بھی قسم کی غفلت برداشت نہیں کی جائے گی۔

انہوں نے کہا کہ علاج کے ساتھ ساتھ صاف اور محفوظ ماحول مریضوں کی جلد صحت یابی کے لیے ضروری ہے۔کمشنر نے ہسپتال کے احاطے میں موجود تمام مین ہولز کو فوراً کور کرنے کی ہدایت دی اور تاکید کی کہ ہسپتال کی حدود میں کوئی بھی مین ہول کھلا یا ٹوٹا ہوا نہ رہے تاکہ مریضوں، تیمارداروں اور عملے کو کسی بھی قسم کے حادثے سے بچایا جا سکے۔انہوں نے مزید کہا کہ عوام کی صحت سے متعلق غفلت ہرگز برداشت نہیں کی جائے گی اور تمام متعلقہ حکام کو ان امور میں مکمل تعاون فراہم کرنے کی تاکید کی۔