کمشنر عرفان علی کاٹھیا کی پرسنل اسسٹنٹ ڈپٹی کمشنر بہاولپور محمد شاہد اقبال تھیم کی رہائش گاہ پر جا کر ان کی والدہ کے انتقال پرتعزیت

دکھ کی اس گھڑی میں وہ سوگوار خاندان کے غم میں برابر کے شریک ہیں کمشنر بہاولپور ڈویژن, ایڈیشنل کمشنر کوارڈینیشن نعیم صادق چیمہ بھی موجود تھے

بہاول پور: (پریس ریلیز )کمشنر بہاولپور ڈویژن عرفان علی کاٹھیا نے پرسنل اسسٹنٹ ڈپٹی کمشنر بہاولپور محمد شاہد اقبال تھیم کی رہائش گاہ پر جا کر ان کی والدہ کے انتقال پر تعزیت کا اظہار کیا۔کمشنر عرفان علی کاٹھیا نے محمد شاہد اقبال تھہیم، محمد زاہد اور محمدراشد اور دیگر اہل خانہ سے دلی ہمدردی اور تعزیت کا اظہار کرتے ہوئے مرحومہ کے درجات کی بلندی کے لیے فاتحہ خوانی اور دعائے مغفرت کی۔اس موقع پر کمشنر بہاولپور ڈویژن نے دعا کی کہ اللہ تعالیٰ مرحومہ کو جنت الفردوس میں اعلیٰ مقام عطا فرمائے، ان کی مغفرت فرمائے اور سوگوار خاندان کو یہ صدمہ صبر و حوصلے سے برداشت کرنے کی توفیق عطا فرمائے۔

کمشنر عرفان علی کاٹھیا نے کہا کہ دکھ کی اس گھڑی میں وہ سوگوار خاندان کے غم میں برابر کے شریک ہیں ۔انہوں نے مرحومہ کے لیے دعائے مغفرت اور لواحقین کے لیے صبر جمیل کی دعا بھی کی۔ اس موقع پر ایڈیشنل کمشنر کوارڈینیشن نعیم صادق چیمہ بھی موجود تھے۔