مریم نواز کے کڈنی سینٹر بہاول وکٹوریہ ہسپتال میں گردے کے مریضوں کا مفت علاج ومعالجہ اور فری ٹرانسپلانٹ کرنے کے احکامات جاری پروفیسر ڈاکٹر ممتاز رسول
وزیراعلی پنجاب مریم نواز شریف کے رینل ٹرانسپلانٹ انیشیٹو کے تحت مظفرگڑھ کے رہائشی 20 سالہ نوجوان محمد شہزاد کی ہیلتھ کارڈ کے تحت پہلی رجسٹریشن کی گئی اور اس کا کامیاب ٹرانسپلانٹ کر دیا گیا جسے اس کے والد محمد اسلم نے اپنا گردہ عطیہ کیا تھا
وزیر اعلی پنجاب محترمہ نواز شریف کے سپاس گزار ہیں جنہوں نے جنوبی پنجاب کے گردے کے مریضوں کو ڈائیلسز اور ٹرانسپلانٹ کی مفت سہولیات مہیا کرنے کے لئے ہیلتھ کارڈ پر رجسٹر کرنے کی منظوری دی, اب اُنکے احکامات پر عمل درآمد شروع ہو گیا،گردے کے مریضوں کو وزیر اعلی پنجاب کے فیصلے سے مہنگے علاج سے نجات مل گئی سربراہ کڈنی سینٹر پروفیسر ڈاکٹر ممتاز رسول کی گفتگو
بہاولپور( سٹاف رپورٹر) وزیراعلی پنجاب مریم نواز شریف نے بہاول وکٹوریہ ہسپتال کے کڈنی سینٹر میں گردے کے ٹرانسپلانٹ اور ڈائلسز کے مریضوں کو ہیلتھ کارڈ کے ذریعے رجسٹر کرنے کے احکامات جاری کر دیے تاکہ انہیں فری ٹیسٹس ،آپریشن ،ادویات کے علاوہ علاج ومعالجہ کی تمام سہولیات سرکاری طور پر مفت مہیا ہو سکیں اس امر کا انکشاف کڈنی سینٹر کے سربراہ پروفیسر ڈاکٹر ممتاز رسول نے مظفرگڑھ کے 20 سالہ نوجوان محمد شہزاد کے گردے کے کامیاب ٹرانسپلانٹ کے موقع پر گفتگو کرتے ہوئے کیا
انہوں نے بتایا کہ مظفرگڑھ کا 20 سالہ نوجوان یہ پہلا مریض ہے جسے وزیراعلی پنجاب کے رینل ٹرانسپلانٹ انیشیٹو کے تحت ہیلتھ کارڈ پر رجسٹر کیا گیا ہے اور آج اس کا کامیاب آپریشن کیا گیا ہے مریض تیزی سے صحت یاب ہو رہا ہے انہوں نے بتایا کہ محمد شہزاد کو اس کے والد محمد اسلم نے اپنا گردہ عطیہ کیا تھا کڈنی سینٹر بہاول وکٹوریہ ہسپتال کے سربراہ پروفیسر ڈاکٹر ممتاز رسول نے وزیر اعلی پنجاب محترمہ مریم نواز شریف سے اظہار تشکر کیا جہاں نے جنوبی پنجاب کے مریضوں کا دیرینہ مطالبہ تسلیم کرتے ہوئے انہیں مہنگے علاج سے نجات دلائی-پروفیسر ڈاکٹر ممتاز رسول نے کہا اب بہاول وکٹوریہ ہسپتال کے کڈنی سینٹر میں گردے کے ٹرانسپلانٹ کرانے والے مریضوں کو وزیر اعلی پنجاب کے احکامات کے تحت ہیلتھ کارڈ پر رجسٹر کیا جائے گا اور اُنکے علاج ومعالجہ پر کسی قسم کے اخراجات نہیں ہوں گے