مریم نواز شریف کی بہاولپور پر بھارتی جارحیت کی شدید مذمت

شہری غیر ضروری طور پر گھروں سے باہر نہ نکلیں، افواہوں پر کان نہ دھریں وزیراعلیٰ پنجاب کی اپیل

لاہور07 – مئی:…… وزیراعلیٰ پنجاب مریم نواز شریف نے بہاولپور پر بھارتی جارحیت کی شدید مذمت کی ہے۔ وزیر اعلیٰ مریم نوازشریف نے کہا کہ عوام پاک فوج کے شانہ بشانہ کھڑی ہیں، شروع بھارت نے کیا ختم ہم کریں گے۔ امن چاہتے ہیں، مگر عزت کے ساتھ،جنگ مسلط کی گئی تو پوری قوم ایک لشکر بنے گی۔ وزیراعلیٰ مریم نوازشریف نے کہا کہ ریسکیو 1122، ضلعی انتظامیہ، اسپتالوں، اور دیگر متعلقہ اداروں کو ہنگامی بنیادوں پر الرٹ رہیں۔ شہری غیر ضروری طور پر گھروں سے باہر نہ نکلیں۔شہری دفاع کی ہدایات پر سختی سے عمل کریں۔وزیراعلیٰ مریم نوازشریف نے عوام سے اپیل کی ہے کہ افواہوں پر کان نہ دھریں، صرف سرکاری ذرائع سے معلومات لیں۔زخمیوں یا متاثرہ افراد کی اطلاع فوری قریبی ہسپتال یا ریسکیو ادارے کو دیں۔
٭٭٭٭