میونسپل کمیٹی کی ناہلی اور غفلت کے باعث مرکزی عیدگاہ میں نشئیوں کے ڈیرے گندگی کے ڈھیر

لوگوں نے دیوار توڑ کر آنے جانے کا شارٹ کٹ راستہ بنا لیا کوئی پوچھنے والا نہیں صرف عید کے موقع پر صفائی کی جاتی ہے اور چونا وغیرہ کرایا جاتا ہے

میونسپل کمیٹی کے افسران نے جان بوجھ کر چشم پوشی اختیار کی ہوئی ہے  کمشنر بہاولپور ڈویژن ڈپٹی کمشنر بہاولپور سے اصلاح احوال اور مرکزی جنازہ گاہ عید گاہ کا سرپرائز وزٹ کرنے کا مطالبہ 
احمد پور شرقیہ (  شیخ عزیز الرحمن +ناصر خان نیازی سے  ) میونسپل کمیٹی احمد پور شرقیہ کی ناہلی اور غفلت کے باعث  مرکزی جنازہ گا ہ عیدگاہ میں نشئیوں کے ڈیرے گندگی کے ڈھیر پڑے ہوئے ہیں مرے ہوئے کتے پڑے ہوئے ہیں کوئی پرسان حال نہیں ہے میونسپبل کمیٹی احمد پور شرقیہ کے افسران نے چشم پوشی اختیار کی ہوئی ہے نماز جنازہ پڑھنے کے لیے انے والے لوگوں کو پریشانی کا سامنا کرنا پڑتا ہے جہاں پر نماز جنازہ رکھ کر نماز پڑھی جاتی ہے وہاں پر نشئیوں نے ڈیرے لگائے ہوئے ہیں وہاں پر بیٹھ کر ائس چرس اور مارفیا کے ٹیکے لگائے جاتے ہیں جو کہ وہاں پر پڑے ہوئے ہیں اسی طرح منبر کے ساتھ کوڑا کرکٹ کے ڈھیر اور ایک مرا ہوا کتا بھی پڑا ہوا ہے جس کی وجہ سے تعفن اور بدبو پھیلی ہوئی ہے

نماز جنازہ والی جگہ شیڈ کے نیچے جگہ جگہ پر گند پڑا ہوا ہے صفائی کرنے کے لیے کوئی انا تک گوارا نہیں کرتا نہ ہی جس کے پاس اس مرکزی جنازہ  عید گاہ کے گیٹ کی تالے کی چابی ہے وہ موجود نہ  ہوتا ہے جس کی وجہ سے یہاں پر نشئیوں نے ڈیرے لگائے ہوئے ہیں اور لوگوں نے دیوار توڑ کر راستہ بنایا ہوا ہے لوگوں نے انے جانے کا شارٹ کٹ راستہ بنا لیا ہے کوئی پوچھنے والا نہیں ہے صرف عید کے موقع پر صفائی کی جاتی ہے اور چونا وغیرہ کرایا جاتا ہے عید گزرنے کے بعد اس جنازہ گاہ اور مرکزی عید گاہ میں کوئی افسر انا تک گوارا نہیں کرتا بزرگ لوگوں کے لیے یہاں پر بیٹھنے کے لیے بینچ رکھے گئے تھے ناقص مٹیریل سے بنے ہوئے وہ بینچ ٹوٹ پھوٹ چکے ہیں اب وہ وہاں پر موجود تک نہ ہی لاکھوں روپے کا بل اور بینچوں کی مد میں ٹھیکے دار نے وصول کر لیا ہے  –

مرکزی عید گاہ میں بوسیدہ سفیدے کے درخت موجود ہیں جو ائے روز گرتے رہتے ہیں اور اس کے باعث ایک بچہ ہلاک بھی ہو چکا ہے سلسلے میں میڈیا کلب احمد پور شرقیہ نے تحریری درخواست ایڈمنسٹریٹر میونسپل کمیٹی کو گزاری کے فل فور ان درختوں کو ہٹایا جائے اور بوسیدہ درختوں کی کانٹ چھانٹ کی جائے مگر اسسٹنٹ کمشنر کے حکم کے باوجود عملے نے کسی قسم کا کوئی ایکشن نہ لیا عید گاہ میں شام کے وقت جنازہ کے لیے لائٹنگ کا انتظام نہیں ہے جبکہ عید گاہ کے متعدد اطراف میں ناجائز قبضہ مافیا نے تجاوزات قائم کی ہوئی ہیں عید گاہ کی غربی دیوار کو متعدد بار توڑ کر انے جانے کا راستہ بنانے کے لیے قریبی ابادی نے سرکاری املاک کو نقصان پہنچایا مگر اس پر بھی کوئی ایکشن نہ ہو سکاقریبی کچھ افراد نے اپنے گھر کے گندے پانی کو عیدگاہ کے مقدس جگہ پر چھوڑنا شروع کیا ہوا ہے جس کی وجہ سے وہاں پر تعفن پھیلا ہوا ہے عید گاہ کے لیے لاکھوں روپے کی لاگت سے بنایا گیا وضو خانہ ٹوٹ پھوٹ کا شکار ہے اور اس سلسلے میں چوکیدار اپنی ڈیوٹی بھی انجام نہیں دیتا  اہلیان احمد پور شرقیہ نے  نے کہا کہ یہ ظلم ہے کہ جہاں پر جنازہ پڑھایا جائے وہاں پر صفائی تک نہیں کرائی جاتی کوڑا کرکٹ کے ڈھیر پڑے ہوئے ہیں میونسپل کمیٹی کے افسران نے جان بوجھ کر چشم پوشی اختیار کی ہوئی ہے انہوں نے کمشنر بہاولپور ڈویژن ڈپٹی کمشنر بہاولپور سے اصلاح احوال اور مرکزی جنازہ گاہ عید گاہ کا سرپرائز وزٹ کرنے کا مطالبہ کیا ہے

عید گاہ کی زبردستی توڑی گئی دیوار