بہاول پور میں جلد چلڈرن ہسپتال کا قیام عمل میں لایاجائے گا۔ ملک ظہیراقبال چنڑ

بہت جلد35 الیکٹرک بسیں بھی بہاول پور کی عوام کی سفری سہولتوں میں بہتری کے لیے دستیاب ہوں گی ڈپٹی سپیکر پنجاب اسمبلی

بہاول پور: 9/اگست :ڈپٹی اسپیکر پنجاب اسمبلی ملک ظہیر اقبال چنڑ نے کہاہے کہ بہاول پور میں بہت جلد چلڈرن ہسپتال کا قیام عمل میں لایا جا رہا ہے جس سے صحت کی سہولیات میں مزیداضافہ ہوگا۔ان خیالات کااظہار انہوں نے بہاول پور کے نواحی علاقے چک نمبر 10 بی سی بستی قادر آباد تا بستی مہرا والی تک چیف منسٹر ڈسٹرکٹ ایس ڈی جیز پروگرام کے تحت پختہ سڑک کی تعمیر کا افتتاح کرتے ہوئے کیا۔اس موقع پر اہلیان علاقہ اور سیاسی ورکرز کی کثیر تعداد موجود تھی۔

ملک ظہیراقبال چنڑ نے کہا کہ وزیر اعلیٰ پنجاب مریم نواز کی قیادت میں پنجاب ترقی کی راہ پر گامزن ہے۔ انھوں نے کہا کہ وزیر اعلیٰ پنجاب مریم نواز کے ویژن کے تحت پنجاب حکومت کی جانب سے اپنا گھر اپنی چھت پروگرام کے تحت پنجاب کی غریب عوام میں بلا امتیاز قرضے دیے گئے جس سے وہ باعزت طور پر اپنے گھروں کی تعمیر کو جاری کیے ہوئے ہیں۔ ملک ظہیر اقبال چنڑنے مزیدبتایا کہ بہت جلد35 الیکٹرک بسیں بھی بہاول پور کی عوام کی سفری سہولتوں میں بہتری کے لیے دستیاب ہوں گی۔

٭٭٭