صوبے میں رشوت، بدسلوکی اور الزامات کی کوئی گنجائش نہیں: وزیراعلیٰ پنجاب

لاہور: وزیراعلیٰ پنجاب مریم نواز نے کہا ہے کہ صوبے میں رشوت، بدسلوکی اور الزامات کی کوئی گنجائش نہیں ہوگی۔ وزیراعلیٰ پنجاب مریم نواز کی زیر صدارت اجلاس ہوا جس میں پیرا فورس کی کارکردگی، نگرانی اور اصلاحات پربریفنگ دی گئی۔ اجلاس میں پیرا فورس کی کارکردگی اور شفافیت بڑھانے کیلئے جلداز جلد باڈی کیم لگانےکا فیصلہ کیا گیا۔ وزیراعلیٰ پنجاب نے اسٹیٹ دی آرٹ پیرا ٹریننگ سینٹر قائم کرنے کی اصولی منظوری دی۔ اجلاس میں فیصلہ کیا گیا کہ پیرا فورس کی کارکردگی مزید بہتر بنانے کیلئے ٹریننگ سیشنزہونگے۔ اس موقع پر مریم نواز کا کہنا تھاکہ پنجاب میں رشوت، بدسلوکی اور الزام کی کوئی گنجائش نہیں ہو گی، قانون ہرحال میں نافذ ہو لیکن عوام سے رویہ ہمیشہ درست، دوستانہ، باعزت ہو۔ انہوں نے کہا کہ پیرا اچھا کام کررہی ہے، عوام میں نیک نامی کیلئے نتائج پر توجہ دی جائے، عوام کیلئے سہولت اور خدمت کرنے والوں کو تاریخ یاد کرتی ہے۔