مریم نواز کی عمرہ کی ادائیگی،خانہ کعبہ میں نوافل ادا کئے
وزیراعظم محمد شہباز شریف وفد کے ہمراہ حرم شریف پہنچنے پر بیت اللہ کے دروازے کھول کر زیارت خاص کی گئی
لاہور 8اپریل:- ……وزیراعلیٰ پنجاب مریم نواز شریف وزیراعظم محمد شہبازشریف اوروفد کے ہمراہ مکہ مکرمہ پہنچ گئیں۔حرم شریف پہنچنے پر بیت اللہ کے دروازے کھول کر زیارت خاص کی گئی۔وزیراعلی مریم نواز شریف نے خانہ کعبہ میں نوافل ادا کرنے کی سعادت بھی حاصل کی۔وزیراعلیٰ مریم نوازشریف اوروفد نے عمرہ کی ادائیگی کی،خانہ کعبہ کے طواف کی سعادت حاصل کی۔وزیراعلیٰ مریم نوازشریف نے حرم پاک میں دونوافل ادا کیے۔انہوں نے صفہ اورمروہ کے درمیان سعی کا فرض ادا کیا اورعمرہ کی تکمیل پر شکرانے کے نوافل ادا کیے۔وزیراعلیٰ مریم نوازشریف نے عمرہ کرنے کے بعدخصوصی دعائیں کیں۔انہوں نے ملک و قوم کی ترقی اورسالمیت کیلئے دعا کی اور عوام کی خوشحالی کیلئے دعائیں کیں۔وزیراعلیٰ مریم نوازشریف نے غزہ اور کشمیر کے مظلوم مسلمانوں کیلئے بھی خصوصی طور پر دعائیں کیں