سی او ہیلتھ رحیم یار خان ڈاکٹر ابرار حسین چیمہ کا آر ایچ سی ترنڈہ محمد پناہ اور مریم نواز ہیلتھ کلینک جن پور کا دورہ
ڈپٹی ڈسٹرکٹ ہیلتھ آفیسر لیاقت پور ڈاکٹر غلام مرتضیٰ کے ہمراہ طبی سہولیات، عملے کی حاضری اور مریضوں کو فراہم کی جانے والی صحت کی خدمات کا جائزہ لیا
جن پور (نامہ نگار ) وزیراعلیٰ پنجاب مریم نواز شریف کے احکامات پر سی او ہیلتھ رحیم یار خان ڈاکٹر ابرار حسین چیمہ نے ڈپٹی ڈسٹرکٹ ہیلتھ آفیسر لیاقت پور ڈاکٹر غلام مرتضیٰ کے ہمراہ آر ایچ سی ترنڈہ محمد پناہ اور مریم نواز ہیلتھ کلینک جن پور کا دورہ کیا اور طبی سہولیات، عملے کی حاضری اور مریضوں کو فراہم کی جانے والی صحت کی خدمات کا جائزہ لیا۔
اس موقع پر ڈاکٹر ابرار حسین چیمہ نے کہا کہ وزیراعلیٰ پنجاب کی ہدایات کے مطابق شہریوں کو معیاری علاج معالجے اور بہتر طبی سہولیات کی فراہمی یقینی بنائی جا رہی ہے۔ سرکاری ہسپتالوں میں فرائض کی ادائیگی میں غفلت اور علاج معالجے میں کوتاہی برداشت نہیں کی جائے گی، خلاف ورزی کے مرتکب عملے کے خلاف سخت کارروائی عمل میں لائی جائے گی اس موقع پر ڈاکٹر محمد واجد بلوچ ڈاکٹر علی ہاشمی فیاض احمد خان جتوئی علی حسن دشتی بھی موجود تھے۔