بلاول بھٹو زرداری مخدوم سید علی حسن گیلانی مرحوم کی کے انتقال پر تعزیت کے لیے اوچشریف آئیں گے مخدوم سید عامر علی شاہ
چیئرمین پاکستان پیپلز پارٹی نے میرے نام مخدوم سید علی حسن گیلانی کے انتقال کے پر اپنے تعزیتی پیغام میں اس امر کا اظہار کیا ہے مخدوم سید عامر علی شاہ کی مدیر احسان احمد سحر سے گفتگو
مخدوم سید علی حسن گیلانی مرحوم کی رسم چہلم کی ادائیگی کے بعد صوبائی حلقہ پی پی 250 میں عوامی رابطہ مہم کا آغاز کروں گا مخدوم سید عامر علی شاہ ایم پی اے کا اظہار خیال
اوچ شریف (سٹاف رپورٹر) پاکستان پیپلز پارٹی کے چیئرمین بلاول بھٹو زرداری مخدوم سید علی حسن گیلانی سابق ایم این اے و جنرل سیکرٹری پاکستان پیپلز پارٹی بہاولپور ڈویژن کے انتقال پر تعزیت کے لیے اوچ شریف آئیں گے اس امر کا اظہار انھوں نے پیپلز پارٹی کے رکن پنجاب اسمبلی اور مخدوم سید علی حسن گیلانی کے کزن مخدوم سید عامر علی شاہ ایم پی اے کے نام اپنے ایک تعزیتی پیغام میں کیا ہے-
اوچشریف: مدیر احسان احمد سحر سابق وفاقی پارلیمانی سیکریٹری مخدوم سید علی حسن گیلانی کے انتقال پر مخدوم سید عامر علی شاہ سے تعزیت کرنے کے بعد ایصال ثواب کے لئے فاتحہ خوانی کر رہے ہیں
مخدوم سید عامر علی شاہ نے مدیر احسان احمد سحر کو بتایا کہ چیئرمین پیپلز پارٹی کے دورہ اوچ شریف کے بارے میں پیپلز پارٹی کی ہائی کمان انہیں باقاعدہ مطلع کرے گی- ایک سوال کے جواب میں انہوں نے کہا کہ وہ اپنے بڑے بھائی مخدوم سید علی حسن گیلانی کی رسم چہلم کی ادائیگی کے بعد اپنی سیاسی سرگرمیوں کا دوبارہ اغازث کریں گے- ان کا کہنا تھا کہ علاقہ کے باشندگان نے مخدوم سید علی حسن گیلانی کی حادثاتی موت کے بعد ان کے جنازے میں ہزاروں کی تعداد میں شرکت کرکے اپنے رنج و غم کا جو اظہار کیا ہے وہ ناقابل بیان ہے اور ابتک میری رہائش گاہ پر تعزیت کرنے والوں کا تانتا بندھا ہوا ہے -قبل ازیں مدیر احسان احمد سحر نے مخدوم سید علی حسن گیلانی مرحوم کے ایصال ثواب کے لئے فاتحہ خوانی کی اور ان کے درجات کی بلندی کے لیے دعا کی