بھٹہ سکسر لیگ کرکٹ ٹورنامنٹ کی افتتاحی تقریب عید الاضحی کے دوسرے دن ہو گی

ضلع بھر سے سیاسی و سماجی شخصیات اور شائقین کرکٹ کی کثیر تعداد شرکت کرے گی

احمدپورشرقیہ : بھٹہ سکسر لیگ کرکٹ ٹورنامنٹ کی افتتاحی تقریب عید الاضحی کے دوسرے دن ہو گی جس میں ضلع بھر سے سیاسی و سماجی شخصیات اور شائقین کرکٹ کی کثیر تعداد شرکت کرے گی اس موقع پر بھٹہ برادری کے نوجوان کاشف بھٹہ،ابوبکر بھٹہ،ثناء اللہ بھٹہ،ابوذر بھٹہ،سلیم بھٹہ،حمزہ بھٹہ،مدثر بھٹہ،سجاد بھٹہ،وقار بھٹہ،حسان بھٹہ و دیگر نے اظہار خیال کرتے ہوئے کہا کہ بھٹہ سکسر لیگ کرکٹ ٹورنامنٹ کی افتتاحی تقریب عید الاضحی کے دوسرے دن بوقت شام 04 بجے بمقام بستی کالریاں نزد چونگی پیرواہ احمد پور شرقیہ میں ہو گی جس میں ضلع بھر سے سیاسی و سماجی شخصیات اور شائقین کرکٹ کی کثیر تعداد شرکت کرے گی جن کے پرتپاک استقبال کی تمام تر تیاریاں مکمل کر لی گئیں ہیں –

یہ خوبصورت لیگ سات ٹیموں پر مشتمل ہو گی جس میں مایہ ناز کھلاڑی اپنی صلاحیتوں کو بروئے کار لاتے ہوئے چھکوں اور چوکوں کی برسات کر کے میدان میں شائقین کرکٹ سے خوب داد وصول کریں گے ان کا مزید کہنا تھا کہ بھٹہ سکسر لیگ کا میلہ سجنے کو تیار ہے اس طرح کے کھیل کی سرگرمیاں جاری رکھنے سے نوجوانوں میں جذبہ اور انکی صلاحیتوں میں اضافہ ہوتا ہے آخر میں انکا کہنا تھا کہ دیہی علاقوں میں ایسے ٹورنامنٹ کروانا وقت کی اہم ضرورت ہے اور ہم احمد پور شرقیہ کے شائقین کرکٹ سے پرزور اپیل کرتے ہیں کہ وہ عید کے دوسرے دن سے شروع ہونیوالی لیگ کے مقابلے دیکھنے کے لیے ضرور تشریف لائیں اگر موجودہ منتخب ممبران اسمبلی موضع ٹبی ڈھکواں میں سپورٹس کمپلیکس بنا کر دیں تو کھیل کے میدان آباد ہونگے اور ہسپتال ویران ہوں گے