سردار نذر حسین اسلم ایڈووکیٹ کی وفات پر صدر تاج محمد ڈھکو ایڈووکیٹ کی زیر صدارت بار ایسوسی ایشن کا تعزیتی اجلاس
اجلاس میں وکلاء کی بڑی تعداد نے شرکت کی اور سردار نذر حسین اسلم ایڈووکیٹ مرحوم کی وکلاء برادری کے لیے انجام دی جانے والی خدمات پر اُنہیں خراج عقیدت پیش کیا گیا
احمدپورشرقیہ : سابق صدر بار ایسوسی ایشن سردار نذر حسین اسلم ایڈووکیٹ کی وفات پر وکلاء برادری کی جانب سے تعزیتی اجلاس منعقد ہوا، سر صادق ہال میں ہونے والے اجلاس کی صدارت صدر بار ایسوسی ایشن ملک تاج محمد ڈھکو ایڈووکیٹ نے کی اجلاس میں وکلاء کی بڑی تعداد نے شرکت کی اور سردار نذر حسین اسلم ایڈووکیٹ مرحوم کی وکلاء برادری کے لیے انجام دی جانے والی خدمات کو یاد کیا گیا
شرکاء کا کہنا تھا کہ سردار نذر حسین اسلم مرحوم ایڈووکیٹ نے اپنی پیشہ ورانہ زندگی کے دوران بار اور وکلاء کے حقوق کے لیے بھرپور کردار ادا کیا ان کی خدمات اور وکلاء برادری کے لیے بے مثال کاوشوں کو ہمیشہ قدر کی نگاہ سے دیکھا اور یاد رکھا جائے گااجلاس کے اختتام پر مرحوم کے درجات کی بلندی مغفرت اور لواحقین کے لیے صبرِ جمیل کی دعا بھی کی گئی