ملالہ یوسف زئی نے اپنے نکاح پر پاکستان کے مشہور برانڈ "زاویے” سے ہلکے گلابی رنگ کے مشرقی لباس کا انتخاب کیا۔

+اسلام آباد (ویب ڈیسک اتوار، 14 نومبر 2021ء) نوبیل انعام یافتہ ملالہ یوسف زئی گزشتہ روز نکاح کے بندھن میں بندھ گئیں ہیں جس کی تصاویر سوشل میڈیا پر وائرل ہو رہی ہیں۔ ملالہ یوسف زئی نے اپنی زندگی کے اس اہم دن پر پاکستان کے مشہور برانڈ "زاویے” سے ہلکے گلابی رنگ کے مشرقی لباس کا انتخاب کیا۔

برانڈ کی ویب سائٹ کے مطابق ملالہ نے نکاح کے لیے جس لباس کا انتخاب کیا اس کی اصل قیمت 27 ہزار روپے ہے۔ تاہم، یہ آئٹم سیل پر 20 ہزار دو سو پچاس روپے میں دستیاب ہے۔

واضح رہے کہ ملالہ یوسف زئی نے اپنے نکاح کا اعلان سماجی رابطے کی ویب سائٹ ٹوئٹر پر کیا تھا اور ساتھ ہی اپنے شوہر عصر ملک اور اہل خانہ کی تصاویر شیئر کی تھیں۔ عصر ملک پاکستان کرکٹ بورڈ (پی سی بی) کے ہائی پرفارمنس سینٹر میں جنرل منیجر آپریشنز کے عہدے پر فائز ہیں۔