دیوالیہ بلدیہ احمد پور شرقیہ کے ذمہ ساڑھے سات کروڑ روپے واجبات ، پانچ کروڑ ادا اسسٹنٹ کمشنر فیصل احمد

ایڈمنسٹریٹر بلدیہ کی تین ماہ قبل چارج سنبھالنے کے بعد میونسپل پلاننگ برانچ کو متحرک کر کے نجی عمارات اور زرعی سے کمرشل پراپرٹی کی منتقلی کے نقشہ جات کی مدات میں دو کروڑ کی ریکارڈ ریکوری

میری تحریک پر فنانس ڈیپارٹمنٹ حکومت پنجاب نے میونسپل کمیٹی کو تین کروڑ کی اضافی گرانٹ جاری کی چنانچہ ہم نے بلدیہ کے ذمہ بجلی کے نصف بلز اور بہاولپور ویسٹ مینجمنٹ کمپنی کو ادائیگیوں کے علاوہ میونسپل ملازمین اور پینشنرز کی تنخوا جات اور پنشن کی بر وقت چلت کو یقینی بنایا ہے نیز گریجویٹی کی مد بھی ریٹائرڈ ملازمین کو ادائیگیاں کی گئی ہیں

احمد پور شرقیہ اور اوچ شریف شہروں کو تجاوزات سے پاک کرنا میرے اہداف میں شامل ہے اس کے لیے دونوں بلدیاتی اداروں کے ذمہ داران کو ایکٹیویٹ کیا گیا ہے جو روزانہ کی بنیاد پر دونوں شہروں میں تجاوزات کے مرتک افراد پر بھاری جرمانے عائد کر رہے ہیں

ناجائز قابضین سرکاری راضی اور سڑکات سے اپنی ناجائز تجاوزات روزانہ کار رضا کار انہ طور پر ہٹا دیں ورنہ احمد پور شرقیہ اور اوچشریف شہروں میں سخت قانونی کاروائی کا سامنا کرنا پڑے گا اسسٹنٹ کمشنر فیصل احمد ایڈمنسٹریٹر بلدیہ احمدپور شرقیہ اور اوچشریف کی مدیر روزنامہ نوائے احمد پور شرقیہ احسان احمد سحر سے خصوصی گفتگو

احمد پور شرقیہ (سٹاف رپورٹر )دیوالیہ بلدیہ احمد پور شرقیہ کے ذمہ ساڑھے سات کروڑ روپے کے واجبات میں سے پانچ کروڑ ادا کر دیئے کوشش ہے کہ  میونسپل کمیٹی احمد پور شرقیہ کو مالی بحران سے نکال کر اس کے پاؤں پر کھڑا کر دیا جائے  اس عزم کا اظہار اسسٹنٹ کمشنر احمد پور شرقیہ فیصل احمد ایڈمنسٹریٹر بلدیہ احمد پور شرقیہ نے مدیر روزنامہ نوائے احمد پورشرقیہ احسان احمد سحر سے اپنے دفتر میں گفتگو کرتے ہوئے کیا- انہوں نے کہا کہ تین ماہ قبل جب انہوں نے ایڈمنسٹریٹر بلدیہ احمد پور شرقیہ کا چارج سنبھالا تھا تو بلدیہ کو دیوالیہ پایا ملازمین کو گریجویٹی اور پنشن دینا تو درکنار  تنخواہ جات کی ادائیگی کے لیے بھی کچھ نہیں تھا  چنانچہ انہوں نے بلدیہ احمد پور شرقیہ کی میونسپل پلاننگ برانچ کو متحرک کیا اور اسے میونسپل کمیٹی کی حدود میں نجی تعلیمی اداروں ،بلڈنگز  اور زرعی جائیداد کی کمرشل منتقلی کی مدا ت  میں نقشہ جات کی فیسوں کی وصولی کے لیے ہدف دیا- میری براہِ راست نگرانی میں میونسپل پلاننگ برانچ نے تین ماہ کے قلیل عرصے میں دو کروڑ روپے سے زائد وصولی کا ایک ریکارڈ قائم کیا ہے جبکہ بلدیہ کو مالی بحران سے نکالنے کے لیے ہم نے صوبائی حکومت کے فنانس ڈیپارٹمنٹ کو خصوصی تحریک کی اور اس سے تین کروڑ روپے کی گرانٹ حاصل کرنے میں کامیاب ہوئے یوں ہم بلدیہ کے ساڑھے سات کروڑ میں سے پانچ کروڑ کے واجبات اب تک ادا کر چکے ہیں اسسٹنٹ کمشنر نے مدیر روزنامہ احمد پور شرقیہ سے ملاقات میں اپنی گزشتہ تین ماہ کی کارکردگی پر روشنی ڈالتے ہوئے کہا کہ انہوں نے بلدیہ کے ذمہ بجلی کے بلوں کی نصف سے  زائد  اور بہاولپور ویسٹ مینجمنٹ کمپنی کو بھی ادائیگیاں کی ہیں جبکہ بلدیاتی ملازمین کی ہر ماہ تنخواہ جات اور پینشن کی چلت کو یقینی بنایا گیا ہے قبل ازیں  ملازمین  کئی ماہ تنخواہوں سے محروم چلے آرہے  تھے  اور شہر میں  عملہ صفائی تنخواہ نہ ملنے کی وجہ سے اکثر و بیشتر ہڑتال پر رہتا تھا – اسسٹنٹ کمشنر فیصل احمد نے مزید بتایا کہ انہیں میونسپل پلاننگ برانچ کے نقشہ جات کی مد  میں جون 2024 تک دو کروڑ روپے کی وصولی کا ٹارگٹ دیا گیا تھا جو انہوں نے مارچ میں مکمل کر لیا – اسسٹنٹ کمشنر کا کہنا تھا کہ احمد پور شرقیہ اور اوچ  شریف کو تجاوزات سے  پاک کرنا بھی ان کے اہداف میں شامل ہے جس کے لیے روزانہ کی بنیاد پر احمد پور شرقیہ اور اوچشریف شہروں کی میونسپل کمیٹیوں کے ذمہ داران کو متحرک کیا گیا ہے- شہر احمد پور شرقیہ میں آج بھی تجاوزات کے مرتکب افراد سے 25 ہزار روپے جرمانہ وصول کیا گیا- ایڈمنسٹریٹر بلدیہ نے  تجاوزات کے مرتکب افراد کو  وارننگ  دیتے ہوئے کہا ہے کہ وہ سرکاری اراضی اور سڑکات سے  رضا کار انہ  رضاکارانہ طور پر تجاوزات ہٹا دیں بصورت دیگر انہیں سخت قانونی کارروائی کا سامنا کرنا پڑے گا