اسسٹنٹ کمشنر نوید حیدر کی جانب سے سیلاب زدگان کے لئے بہترین خدمات انجام دینے پر اوچ سول سوسائٹی کو اعزازات اور شیلڈز سے نوازا گیا

تقریب میں سول سوسائٹی کے صدر عمر خورشید سہمن، شیخ ناصر سلیم روح رواں اوچ شریف اور دیگر ممبران نے شرکت کی شہریوں نے سوسائٹی کی خدمات کو سراہا 

اوچ شریف (کرائم رپورٹر) سیلاب زدگان کی مدد اور ریلیف کے دوران بہترین خدمات انجام دینے پر اوچ سول سوسائٹی کو اسسٹنٹ کمشنر نوید حیدر کی جانب سے اعزازات اور شیلڈز سے نوازا گیا۔ تقریب میں سول سوسائٹی کے صدر عمر خورشید سہمن، شیخ ناصر سلیم روح رواں اوچ شریف اور دیگر ممبران نے شرکت کی۔اس موقع پر اسسٹنٹ کمشنر نوید حیدر نے کہا کہ اوچ سول سوسائٹی نے سیلاب زدگان کی مدد میں نمایاں کردار ادا کیا اور عوامی خدمت کے جذبے کو فروغ دیا۔ انہوں نے کہا کہ ایسے اقدامات معاشرتی فلاح و بہبود میں اہم ہیں اور شہریوں کے مسائل کو حل کرنے میں مددگار ثابت ہوتے ہیں۔

سول سوسائٹی کے اراکین نے کہا کہ یہ اعزاز ان کی محنت اور قربانی کا اعتراف ہے اور آئندہ بھی وہ ضرورت مندوں کی خدمت کے لیے ہر ممکن کوشش جاری رکھیں گے۔ انہوں نے سیلاب متاثرین کے لیے امدادی سرگرمیوں کو مزید منظم کرنے کا عزم بھی ظاہر کیا۔تقریب کے دوران شیلڈز اور تعریفی اسناد فراہم کی گئیں، جبکہ شہریوں نے سوسائٹی کی خدمات کو سراہا اور اسسٹنٹ کمشنر کا شکریہ ادا کیا۔ اس موقع پر زور دیا گیا کہ کمیونٹی کی شرکت اور رضاکارانہ خدمات ہر بحران میں کلیدی کردار ادا کرتی ہیں۔