ایران میں دہشت گردی کا نشانہ بننے والے احمدپور شرقیہ کے دونوں مقتولین کی میتیں ایک دو روز میں ورثا ءکے حوالے کر دی جائیں گی اسسٹنٹ کمشنر محمد نوید حیدر

میری ہدایت پر نادرا نے دونوں مقتولین جمشید اور خالد کے ایک گھنٹہ میں فیملی رجسٹریشن سرٹیفکیٹ تیار کر دیئے میتوں کی واپسی کے تمام قانونی تقاضے پورے کر لیے گئے ہیں

ایرانی سفارت خانے سے رابطے میں ہیں اسسٹنٹ کمشنر محمد نوید حیدر اور ڈی ایس پی مہر محمد افضل کا مقتولین جمشید اور خالد کے گھروں کا وزٹ ایصال ثواب کے لئے فاتحہ خوانی بھی کی

احمد پور شرقیہ( سٹاف رپورٹر )اسسٹنٹ کمشنر محمد نوید حیدر نے کہا ہے کہ ایران میں دہشت گردوں کا نشانہ بننے والے احمد پور شرقیہ کے رہائشی دونوں بدقسمت موٹرِ مکینکس محمد جمشید اور محمد خالد کی میتیں پاکستان لانے کے لیے تمام قانونی تقاضے پورے کر لیے گئے ہیں- نادرا نے ان کی خصوصی ہدایات پر دونوں مقتولین کے فیملی رجسٹریشن سرٹیفکیٹ ایک گھنٹے میں تیار کر کے ورثا ءکے حوالے کر دیے ہیں- اس امر کا اظہار انہوں نے روزنامہ نوائے احمد پور شرقیہ سے گفتگو کرتے ہوئے کیا- اسسٹنٹ کمشنر نے بتایا کہ امکان ہے کہ محمد جمشید اور محمد خالد کی میتیں کل یا پرسوں رات ایران سے بہاولپور ایئرپورٹ پہنچا دی جائیں گی جس کے بعد انہیں ورثاءکے حوالے کر دیا جائے گا اس سلسلے میں انتظامیہ ایرانی سفارت خانے سے رابطے میں ہے

قبل ازیں اسسٹنٹ کمشنر احمد پور شرقیہ محمد نوید حیدر ڈپٹی سپرٹنڈنٹ پولیس مہر محمد افضل کے ہمراہ بستی رب نواز آرائیں موضع محمد بخش گئے جہاں انہوں نے مقتول محمد جمشید کے ورثا ءسے تعزیت کرنے کے بعد ایصال ثواب کے لیے فاتحہ خوانی کی اور مقتول کی میت جلد ازجلد انہیں پہنچانے کی یقین دہانی کرائی- اسسٹنٹ کمشنر اور ڈپٹی سپرنٹنڈنٹ پولیس ایران میں دہشت گردوں کے کا نشانہ بننے والے دوسرے احمد پور شرقیہ کے رہائشی محمد خالد کی رہائش گاہ پر بھی گئے اور مقتول کے ایصال ثواب کے لیے فاتحہ خوانی اور درجات کی بلندی کے لیے دعا کی