آصف زرداری اور بلاول بھٹوخصوصی طیارے کے ذریعے دبئی پہنچ گئے ، نواز شریف سے ملاقات متوقع

کراچی: سابق صدر آصف علی زرداری اور ان کے صاحبزادے چیئرمین پاکستان پیپلز پارٹی بلاول بھٹو زرداری   خصوصی طیارے کے ذریعے  دبئی پہنچ گئے

چیئرمین پیپلز پارٹی بلاول بھٹو زرداری اور آصف علی زرداری عید کے بعد وطن واپس آئیں گے، دونوں کی دبئی میں سابق وزیر اعظم نواز شریف سے ملاقات ہونے کا امکان ہے

ذرائع کے مطابق سینئر نائب صدر ن لیگ مریم نواز شریف بھی دوبئی میں میاں نواز شریف کے پاس پہنچ چکی ہیں جبکہ اہم ملاقات میں سیاسی صورتحال کے حوالے سے اہم پیش رفت کا امکان ہے۔

موجودہ سیاسی پیش رفت ایسے وقت پر سامنے آرہی ہیں جب قومی اسمبلی کی جانب سے نااہلی کی زیادہ سے زیادہ سزا 5 برس کرنے کا بل اتفاق رائے سے منظور کرلیا گیا ہے جس کے بعد نواز شریف اور استحکام پاکستان پارٹی کے سربراہ جہانگیر ترین کے الیکشن لڑنے کی راہ بھی ہموار ہوگئی ہے۔