اے آئی کے سی لیول سرکردہ پلیٹ فارم ایلیریا کا فوجی فاؤنڈیشن کے ساتھ اسٹریٹجک پارٹنرشپ قائم کرنے کا اعلان
معاہدے کے تحت الیریا اپنے جدید ترین سلوشنز کو فوجی فاؤنڈیشن کے آپریشنز میں ضم کرے گا
ایسے اختراعی حل کیلئے پرعزم ہیں جو سماجی پروگراموں کو بااختیاراور معاشی نمو کو آگے بڑھاتے ہیں‘سی ای او فوجی فاﺅنڈیشن
راولپنڈی (آن لائن)مصنوعی ذہانت (اے آئی) کے سی لیول سرکردہ پلیٹ فارم ایلیریا نے پاکستان کے بڑے گروپ فوجی فاؤنڈیشن کے ساتھ اسٹریٹجک پارٹنرشپ قائم کرنے کا اعلان کیا ہے ۔اس معاہدے کے تحت الیریا کے جدید ترین سلوشنز اپنے جدید ترین سلوشنز کو فوجی کے آپریشنز میں ضم کرے گا جس سے اس کی کارکردگی میں اضافہ اور فیصلہ سازی کو بہتر بنائے گا۔اس طرح فوجی فاﺅنڈیشن کی صحت، تعلیم، توانائی اور خوراک کے شعبوں میں لاگت بھی کم ہوگی۔
فوجی فاؤنڈیشن اے آئی سلوشنز کے وسیع کردہ امور‘ افرادی قوت کی اصلاح اور پیشین گوئی کے تجزیات جیسی طاقتور صلاحیتوں کے ساتھ وسائل کے انتظام کو بڑھانے اور تمام محکموں میں فیصلہ سازی کو بہتر بنانے کی صلاحیت سے فائدہ اٹھا سکتا ہے۔ یہ حل اہم کاروباری اور سماجی چیلنجوں سے نمٹنے کے لیے بنائے گئے ہیں۔ فوجی فاؤنڈیشن کے سی ای او نے اس موقع پر اظہار خیال کرتے ہوئے کہا کہ ہم ایسے اختراعی حل فراہم کرنے کے لیے پرعزم ہیں جو ہمارے سماجی بہبود کے پروگراموں کو بااختیار بناتے اور معاشی نمو کو آگے بڑھاتے ہیں۔ فوجی فاؤنڈیشن پاکستان کی ترقی کا سنگ بنیاد ہے، اور الیریا سے چلنے والے اے آئی سلوشنز جیسے ذہین ٹولز کے ساتھ، ہم اپنے مستفید افراد کو تیزی سے کام کرنے، پیداواری صلاحیت بڑھانے، اور کامیابی کے نئے راستوں سے پردہ اٹھانے میں مدد کر رہے ہیں۔ کامیابی کی آرزو، ہمیں آگے رہنے، اپنانے اور ترقی کی منازل طے کرنے کے قابل بناتی ہے۔
ایلیریا کے سی ای او ایرک لیانڈری نے کہا کہ ایلیریا میں، ہمیں فوجی کے ساتھ شراکت کرنے پر فخر ہے، جو پاکستان میں سماجی بہبود اور معاشی ترقی کی ایک روشنی ہے۔ ہماری تنظیموں کو بااختیار بنانے کے لیے جدید ترین اے آئی سلوشنز جو کارکردگی میں اضافہ کرتے اور ڈیٹا کی خودمختاری کو یقینی بناتے اور ترقی کو آگے بڑھاتے ہیں۔ تیزی سے ترقی پذیر کاروباری منظرنامے میں ہمیں فوجی فاؤنڈیشن کو اس طرح کے خودمختار حل فراہم کرنے اور پاکستان کی بہتری میں اپنا حصہ ڈالنے پر فخر ہے۔ایلیریا فوجی فاؤنڈیشن کو اے آئی سلوشنز کے ایک جامع نظام سے لیس کرے گا، جو فاؤنڈیشن کے کاموں کو نئی بلندیوں تک پہنچانے کے لیے ڈیزائن کیا گیا ہے۔ یہ جدید ٹولز فوجی فاؤنڈیشن کو سٹریٹجک منصوبہ بندی، ڈیٹا پر مبنی فیصلہ سازی، اور ہموار تعاون کے لیے اے آئی کی طاقت کو استعمال کرنے کے قابل بنائیں گے، اس بات کو یقینی بناتے ہوئے کہ اس کے سماجی بہبود اور معاشی اقدامات کو بے مثال درستگی اور کارکردگی کے ساتھ انجام دیا جائے۔ایلیریا کی سی لیول صلاحیتوں کو فوجی فاؤنڈیشن کے موجودہ سسٹمز میں ضم کیا جائے گا، جو ڈیجیٹل تبدیلی کے لیے ایک جامع نقطہ نظر پیش کرے گا۔