صدر بار نزر حسین اسلم فاروق عزیز چودری اور انوار الحسن ایڈوکیٹس نے سیدہ نجمہ بخاری مرحومہ مغفورہ کے ایصال ثواب کے لیے فاتحہ خوانی کی
منت فاطمہ فاؤنڈیشن کے مینجنگ ڈائریکٹر ڈاکٹر یاسر حیات قریشی کا سیدہ نجمہ بخاری کے انتقال پر اظہار رنج و غم
پریس انفارمیشن ڈیپارٹمنٹ ملتان کے پریس فوٹوگرافر غلام عباس نے بھی مدیر احسان احمد سحر کی اقامت گاہ پہنچ کر اظہار تعزیت کیا
احمد پور شرقیہ : مدیر روزنامہ نوائے احمد پور شرقیہ احسان احمد سحر کی اہلیہ سیدہ نجمہ بخاری کے انتقال پر تعزیت کے لیے آنے والوں کا سلسلہ جاری ہے تحصیل بار ایسوسی ایشن کے صدر سردار نزر حسین اسلم اپنے دو ساتھیوں انوار الحسن اور فاروق عزیز چوہری ایڈوکیٹس کے ہمراہ گزشتہ شام مدیر احسان احمد سحر کی اقامت گاہ سیٹلائٹ ٹاؤن پہنچے اور ان سے ان کی اہلیہ محترمہ کے انتقال پر تعزیت کی صدر تحصیل بار نزر حسین اسلم ایڈوکیٹ اور ان کے ساتھی وکلاء انوار الحسن اور فاروق عزیز چوہدری ا نے سیدہ نجمہ بخاری مرحومہ و مغفورہ کی روح کے ایصال ثواب کے لیے فاتحہ خوانی کی اور مدیر احسان احمد سحر کی صحت یابی کے لیے بھی دعا کی- مزید براں ڈیرہ نواب صاحب کے معروف ڈاکٹر اور منت فاطمہ فاؤنڈیشن کے مینجنگ ڈائریکٹر ڈاکٹر
یاسر حیات قریشی نے بھی سیٹلائٹ ٹاؤن پہنچ کر مدیر احسان احمد سحر سے ملاقات کر کےان کے اہلیہ محترمہ سیدہ نجمہ بخاری کے انتقال پر اظہار افسوس کیا اور ان کے لیے دعائے مغفرت کی- پریس انفارمیشن ڈیپارٹمنٹ ملتان کے فوٹوگرافر غلام عباس نے بھی مدیر احسان احمد سحر کی اہلیہ کے انتقال پر اپنے دلی دکھ کا اظہار کیا اور سیدہ نجمہ بُخاری کے در جا ت کی بلندی کے لئے دعا کی-
