سابق صوبائی وزیر سید سجاد بخاری کی مخدوم سبطین حیدربخاری اور شیخ ناصر سلیم کے ہمراہ صادق گڑھ پیلس آمد

ولی عہد پرنس بہاول عباسی سے ضلع بہاولپور کی سیاسی صورتحال اور آئندہ عام انتخابات کے حوالے سے تبادلہ خیال۔

اوچشریف () سابق صوبائی وزیر سید سجاد بخاری نے سابق تحصیل ناظم احمد پور شرقیہ مخدوم سید سبطین حیدر بخاری اور صدر چیمبر آف ایگری کلچر کامرس جنوبی پنجاب شیخ ناصر سلیم ایڈوکیٹ کے ہمراہ صادق گڑھ پیلس کے دفتر میں امیر آف بہاولپور نواب صلاح الدین عباسی کے ولی عہد پرنس بہاول عباس خان عباسی سے ملاقات کی جو کافی دیر تک جاری رہی۔ با خبر ذرائع کے مطابق اس ملاقات میں ضلع بہاولپور کی موجودہ سیاسی صورتحال اور آئندہ عام انتخابات کے حوالے سے تبادلہ خیال کیا گیا۔ سیاسی حلقے حاصل پور اور اوچشریف کے قائدین کی پرنس بہاول خان عباسی سے ملاقات کو بڑی اہمیت دے رہے ہیں اور اس بارے میں مختلف نوعیت کے تبصرے کئے جار ہے ہیں۔