عارف عزیز شیخ کا آئندہ عام انتخابات میں حلقہ این اے 166 سے قومی اسمبلی کا الیکشن لڑنے کا اعلان

میں اپنے ماضی کے تجربات اور کارکردگی پر عوام کے اعتماد کو بہترین جواب دینے کے لیے پرعزم ھوں سابق رکن قوم اسمبلی کا بیان

چنی گوٹھ (نامہ نگار)سابق رکن قومی اسمبلی عارف عزیز شیخ نے اعلان کیا ہے کہ وہ آئندہ عام انتخابات میں حلقہ این اے 166سے بھرپور مقابلے کے ساتھ حصہ لیں گے اور عوام سے ووٹ لینے کے لیے میدان میں اتریں گے۔عارف عزیز شیخ نے اپنے بیان میں کہا کہ وہ اپنے ماضی کے تجربات اور کارکردگی پر عوام کے اعتماد کو بہترین جواب دینے کے لیے پرعزم ہیں۔ انہوں نے مزید کہا کہ اپنے دورِ نمائندگی میں انہوں نے اپنے حلقے میں جو ترقیاتی کام کروائے وہ ریکارڈ نوعیت کے ہیں اور ان کی مثال آج تک ملنا مشکل ہے۔ ان ترقیاتی منصوبوں میں بنیادی ڈھانچے، سڑکوں، تعلیمی و صحت کے اداروں کی بہتری اور دیگر عوامی مفاد کے کام شامل تھے، جنہیں انہوں نے اپنے اختیارات اور وسائل کے مطابق مکمل کروایا۔عارف عزیز شیخ نے کہا: “ماضی میں عوام نے جس اعتماد اور محبت کا اظہار کیا، میں اس کا پورا حق ادا کرنے کے لیے دوبارہ عوام کے دروازے پر ہوں اور آئندہ انتخابات میں عوام کی خدمت جاری رکھوں گا۔”

سابق ایم این اے نے تحصیل احمد پور شرقیہ کی اہم سیاسی، سماجی اور کاروباری شخصیات سے ملاقاتوں کا سلسلہ بھی جاری رکھا ہوا ہے جہاں انہیں بھرپور پذیرائی اور حمایت مل رہی ہے، جو ان کی سیاسی مقبولیت اور عوامی حمایت کی عکاس ہے۔ ان ملاقاتوں کے دوران عارف عزیز شیخ نے علاقائی ترقی، عوامی مسائل کے حل اور مستقبل کی پالیسیوں پر گفتگو کی، جس میں شریک افراد نے ان کے عزم کو سراہا اور انہیں اپنے حلقے کے لیے دوبارہ مضبوط امیدوار کے طور پر ووٹ دینے کا وعدہ کیا۔انتخابات کے حوالے سے عارف عزیز شیخ کے اعلان کو حلقے میں سیاسی سرگرمیوں میں اضافہ اور عوامی سطح پر دلچسپی میں نمایاں اضافہ کے طور پر دیکھا جا رہا ہے، جبکہ دیگر امیدوار بھی اپنی انتخابی مہمات تیز کر رہے ہیں۔