صوبائی حکومت کی ہدایت پر اسسٹنٹ کمشنر نوید حیدر کی زیر نگرانی شہر بھر سے ناجائز تجاؤزات کو ختم کرنے کاسلسلہ جاری

شہریوں کو چاہیے کہ وہ از خود ناجائز تجاؤ زات ختم کردیں ورنہ قانونی کاروائی کا سامنا بھی کرنا پڑے گا۔ اسسٹنٹ کمشنر نوید حیدرکی وارننگ

 ا حمدپورشرقیہ (نامہ نگار) صوبائی حکومت کی ہدایت پر اسسٹنٹ کمشنر احمدپورشرقیہ نوید حیدر کی زیر نگرانی شہر بھر سے ناجائز تجاؤزات کو ختم کرنے کاسلسلہ جاری،بھاری مشینری کے ذریعے دوکانوں کے سامنے بنائے گئے تھڑے مسمار کردیئے۔

تفصیل کے مطابق اسسٹنٹ کمشنر احمدپورشرقیہ نوید حیدر کی زیرنگرانی گزشتہ دوروز سے شہر کے اہم بازاروں ڈیرہ نواب صاحب روڈ، کچہر ی روڈ اور بازاروں سے ناجائز تجاؤ زات کے خاتمہ کے لئے گرینڈ آپریشن جاری ہے۔ اوربھاری مشینری کے ذریعے غیر قانونی تجاؤزات کو ختم کیا جارہاہے۔ جس سے سڑکیں اور بازار کشاد ہ ہوگئے ہیں۔ اسسٹنٹ کمشنر نوید حیدر نے کہا کہ ناجائز تجاؤزات کے خاتمہ کے لئے آپریشن جاری رہے گا۔ اور آنے والے دنوں میں اس کا دائر ہ کار محلوں تک بڑھا دیا جائے گا۔ انہوں نے کہا شہریوں کو چاہیے کہ وہ از خود ناجائز تجاؤ زات ختم کردیں ورنہ قانونی کاروائی کا سامنا بھی کرنا پڑے گا۔