صادق پبلک سکول بہاول پور میں سالانہ فلاور شو

سکول کے مختلف بورڈنگ ہاؤسز، شعبہ جات اور گھروں کی سجاوٹ کے مقابلے کو چھ کیٹگریز میں تقسیم کیا گیا

بہاول پور : صادق پبلک سکول بہاول پور میں 14 مارچ 2023ء کو سالانہ فلاور شو منعقد ہوا۔ جس کے تحت سکول کے مختلف بورڈنگ ہاؤسز، شعبہ جات اور گھروں کی سجاوٹ کا مقابلہ ہوا۔ اس مقابلے کو چھ کیٹگریز میں تقسیم کیا گیا تھا۔ منصفین کے نتائج کے مطابق کیٹگری "اے” بورڈنگ ہاؤسز کے مقابلے میں فیرل ہاؤس اول انعام کا حقدار قرار پایا۔ دوسری  اور تیسری پوزیشن بالترتیب کمال پاشا ہاؤس  اور عباس ہاؤس نے حاصل کی جبکہ حوصلہ افزائی کا  انعام عالمگیر نارتھ ہاؤس کو دیا گیا۔کیٹگری "سی” میں پروفیسر خالد محمود کے بنگلہ نمبر 54 نے پہلی پوزیشن حاصل کی۔ پروفیسر محمد نعمان فاروقی کے بنگلہ نمبر 35  اور مسز اِرم منیر کے بنگلہ نمبر 40 نے  بالترتیب دوسری اور تیسری پوزیشن حاصل کی ۔ جبکہ حوصلہ افزائی کا انعام مسز ظلِ ہما کے بنگلہ نمبر 64 کو دیا گیا۔کیٹگری "ڈی” میں طارق عمر خان  کا گھر نمبر B-1 پہلے انعام کا حقدارقرار پایا۔ کیٹگری "ای” جو شعبہ جات پر مشتمل ہے، اس میں آئی ٹی سنٹر کو اول انعام ملا۔ سکول ہسپتال اور پروگریسو سکول بالترتیب دوسرے اور تیسرے انعام کے حقدار ٹھہرے جبکہ سکول لائبریری کو حوصلہ افزائی کا انعام دیا گیا۔ کیٹگری "ایف” میں سیکورٹی سپروائزر محمد شریف کے کوارٹر نمبر C-7  کو اول انعام ملا جبکہ عصمت اللہ (رائیڈنگ انسٹرکٹر) کے کوارٹر نمبر F-5  کو دوسرا انعام دیا گیا۔ منصفین کے فرائض پروفیسر منصور عبداللہ (ہیڈ ماسٹر پریپ)، پروفیسر فضل محمود (ہیڈ آف کیمسٹری ڈیپارٹمنٹ) اور مسز رِدا ضیاء (فائن آرٹ ڈیپارٹمنٹ) نے سرانجام دیے۔